ក្លិបជើងឯកលីកកំពូលនៃប្រទេសឥណ្ឌា ATK (Atléctico de Kulkata) កំពុងតែតាមចែចូវកីឡាករជម្រើសជាតិថៃ Thitiphan Puangjan ក្រោយពេលដែលក្លិបមួយនេះឈ្នះជើងឯកលីកកំពូលឥណ្ឌា និងបានកៅអីវគ្គជម្រុះ 2021 AFC Champions League។
កីឡាករ Thitiphan បច្ចុប្បន្នលេងឱ្យក្លិបអ្នកមានម៉ាឡេស៊ី Johor Darul Ta’zim របស់លីកកំពូលម៉ាឡេស៊ី និងធ្លាប់បង្ហាញខ្លួនឱ្យជម្រើសជាតិថៃ ចាប់តាំងពីឆ្នាំ2011 រហូតមកដល់បច្ចុប្បន្ន ដោយលេងបាន 61ប្រកួត រកគ្រាប់បាល់បាន 17គ្រាប់ ហើយធ្លាប់ទៅលេងដល់ក្លិបលីកកំពូលជប៉ុន Oita Trinita ដោយបង្ហាញខ្លួនបាន 20ប្រកួត។
គួររំឭកដែរថា Thitiphan Puangjan នេះ គឺជាកូនប្រុសរបស់អតីតកីឡាករជម្រើសជាតិថៃដ៏ល្បីល្បាញម្នាក់ក្នុងទសវត្សរ៍1980 គឺលោក ផៃរ៉ូត ភួងចន្ទ៕
