ក្រោយហាក់មានសភាពធូរស្បើយពីកូវីដ-19 ការប្រកួតបាល់ទាត់នៅបណ្តាប្រទេសនានា បានចាប់ដំណើរការជាបណ្តើរៗឡើងវិញហើយ ខណៈដែលFIFA បានអនុម័តច្បាប់បន្ធូរបន្ថយដោយអនុញ្ញាតឱ្យកីឡាករបម្រុងអាចប្តូរចូលបាន 5នាក់។
មូលហេតុដែល FIFA អនុម័តច្បាប់ថ្មីនេះ គឺដោយសារតែដើម្បីជួយសម្រួលដល់ក្លិបបាល់ទាត់នានានៅលើពិភពលោក ដែលសុទ្ធតែសម្រាកក្នុងអំឡុងពេលផ្ទុះការរាតត្បាតនៃមេរោគកូវីដ-19 ដែលធ្វើឱ្យកម្លាំងកីឡាករមានការថមថយយ៉ាងខ្លាំង ក្នុងការប្រកួតពេញ 90នាទី។
គួរបញ្ជាក់ដែរថា ច្បាប់ទូទៅនៃបាល់ទាត់ដែលប្រើប្រាស់ក្នុងការប្រកួតជាផ្លូវការនានានៅលើពិភពលោក គឺអនុញ្ញាតឱ្យកីឡាករបម្រុងបានតែ 3នាក់តែប៉ុណ្ណោះ ដែលអាចធ្វើការផ្លាស់ប្តូរចូលលេងជំនួសកីឡាករដែលកំពុងលេងនៅលើទីលាន៕
