កីឡាករជម្រើសជាតិថៃ Chanathip songkrasin ត្រូវបានក្លិប Hokkaido Consadole Sapporo នៃលីកកំពូលជប៉ុន ប្រកាសលក់ចេញក្នុងតម្លៃលើសពី 2លាន 6សែនដុល្លារ ព្រោះតែវិបត្តិហិរញ្ញវត្ថុរបស់ក្លិបក្នុងអំឡុងពេលវិបត្តិកូវីដ-19។
Chanathip songkrasin គឺជាកីឡាករថៃដែលមានតម្លៃខ្លួនថ្លៃជាងគេបំផុត ដែលប្រកបអាជីពនៅប្រទេសជប៉ុន និងមានតម្លៃខ្លួនថ្លៃជាងគេបំផុតប្រចាំក្លិបនៅជប៉ុននេះផងដែរ ដូចនេះការលក់រូបគេចេញម្នាក់ គឺគ្រប់គ្រាន់សម្រាប់ឱ្យក្លិបបន្តរស់បាន រហូតដល់រដូវកាលក្រោយ។
ជាកីឡាករដែលមានតម្លៃខ្លួនថ្លៃជាងគេលំដាប់ទី9 នៅក្នុងប្រទេសជប៉ុនផងដែរ កីឡាកររូបនេះ ត្រូវបានគេដឹងថា Hokkaido បានទិញពីក្លិប SCG Moeungthong United ក្នុងតម្លៃត្រឹមតែ 7សែនដុល្លារតែប៉ុណ្ណោះ៕
