រយៈពេលមួយខែក្រោយពីការប្រកាសនៅឯទីផ្សារបរទេស កាមេរ៉ា 6D Mark II ប្រភេទ Full Frame របស់ក្រុមហ៊ុន Canon ដែលមានអេក្រង់អាចបត់បានដំបូងគេ នឹងត្រៀមចេញលក់នៅថ្ងៃស្អែកនេះហើយ។
តាមការបញ្ជាក់ពីលោក ណារ័ត្ន ផ្នែកទីផ្សារជាន់ខ្ពស់នៃក្រុមហ៊ុន i-Qlick ដែលជាក្រុមហ៊ុនទទួលសិទ្ធិនាំចូល និងចែកចាយផលិតផល Canon ក្នុងទីផ្សារកម្ពុជាបានឱ្យដឹងថា ក្រុមហ៊ុននឹងធ្វើការដាក់សម្ពោធជាផ្លូវការនូវម៉ាស៊ីនថត EOS 6D Mark II នៅថ្ងៃស្អែក ដោយមានតម្លៃចាប់ពី 2,633 ដុល្លារសម្រាប់ Lens Kit 24-70mm និង Lens Kit 24-105 mm មានតម្លៃ 2,932 ដុល្លារ។
លោកបន្តថា EOS 6D Mark II ជាកំណែ Update ថ្មីចេញពី 6D ដែលបានផលិតតាំងពីជាង 5 ឆ្នាំមុន។ ការមកដល់ថ្មីនេះ វាជាការ Update ដ៏ធំមួយសម្រាប់អ្នកថតរូបអាជីព ដោយវាប្រើប្រាស់សេនស័រ CMOS បែប Full Frame អាចឱ្យវាថតរូបមួយសន្លឹកបានក្នុងទំហំធំដល់ទៅ 26.2 មេហ្គាភិកសេល អមមកជាមួយនឹងមុខងារ Dual Pixel AF ដែលជំរុញឱ្យការចាប់យករូបភាព (Focus) មានសភាពរលូន និងប្រសើរជាងមុន ពិសេសនៅពេលថតវីដេអូតែម្ដង។ ក្នុងនោះ វាក៏មានភ្ជាប់នូវបច្ចេកវិទ្យា DIGIC 7 image processor និងមានអមជាមួយនឹង ISO កម្រិត 100-40000 ហើយនឹងអាចចាប់រូបភាពបាននៅក្នុងល្បឿន 6.5fps Burst។
6D Mark II ក៏មាននូវមុខងារ Phase Detection, Optical Viewfinder ដែលមានចាប់រូបភាព Focus បានរហូតដល់ទៅ 45 Point All Cross-type AF points រួមនឹងមានអេក្រង់ទំហំ 3.0 អ៊ីញ អាចបង្ហាញរូបភាពកម្រិត 1040k ប្រភេទ Touchscreen មានមុខងារ Wi-Fi, NFC, Bluetooth និងប្រព័ន្ធ GPS៕
លក្ខណៈសម្បត្តិ
• ប្រើប្រាស់សេនស័រ CMOS Full Frame ទំហំ35.9 x 24 មីល្លីម៉ែត្រ
• មាន Processor ជាប្រភេទ DIGIC 7
• ថតរូបមួយប៉ុស្តិ៍ក្នុងទំហំ 26.2 មេហ្គាភិកសេល
• ថតរូបជាប្រភេទ File បែប JPEG និង RAW ក្នុងល្បឿន 6.5 fps
• ISO ចាប់ពី 100 – 40000 ឬដំឡើងពី 50-102400
• ល្បឿន Shutter Speed លឿនបំផុត 1/4000 និងយឺត 30 វិនាទី ឬ Bulb
• អេក្រង់ខាងក្រោយទំហំ 3 អ៊ីញ ប្រភេទ Touchscreen TFT LCD
• សមត្ថភាពថតវីដេអូក្នុងកម្រិត 720p និង 1080p ក្នុងល្បឿន 30fps និង 60fps
• រន្ធតំណភ្ជាប់ USB 2.0, Mini HDMI, Microphone និងរន្ធដាក់តេឡេបញ្ជា
• មានភ្ជាប់មកជាមួយនូវមុខងារ Bluetooth និង WiFi៕
