ក្លិប Guangzhou Evergrande ជើងឯកលីកកំពូលរបស់ចិនឆ្នាំ2019 បានប្រកាសបើកការដ្ឋានសាងសង់កីឡដ្ឋានថ្មីរបស់ខ្លួនហើយ ដែលមានរូបរាងគួរឱ្យទាក់ទាញយ៉ាងខ្លាំង។
កីឡដ្ឋាននេះអាចផ្ទុកអ្នកទស្សនាបាន 10ម៉ឺននាក់មានទីតាំងនៅតាមបណ្ដោយផ្លូវរថភ្លើងសង្កាត់ Pahyu ក្នុងក្រុង Guangzhou។ ប្រភពរបស់ក្លិបមួយនេះបានបន្តទៀតថា កីឡដ្ឋាននេះនឹងក្លាយជាទីតាំងលេងបាល់ទាត់មួយធំជាងគេបំផុតក្នុងពិភពលោក បន្ទាប់ពីសាងសង់រួចជាស្ថាពរនៅឆ្នាំ2022។
គួររំឭកផងដែរថា ក្លិបបាល់ទាត់នេះ គឺជាក្លិបរបស់មហាសេដ្ឋីចិនម្នាក់ ដែលមានភាគហ៊ុន 50% របស់ក្រុមហ៊ុន Evergrande, 40% របស់ Alibaba និង 10% ទៀតរបស់ក្រុមហ៊ុនផ្សេងៗទៀត៕
