អ្នកប្រដាល់រហស្សនាម “ខ្លាខ្មៅ” ដ៏ល្បីល្បាញរបស់កម្ពុជា កីឡាករ ឃុន ឌីម៉ា បានប្រកាសបរិច្ចាគប្រាក់បៀវត្សរ៍របស់ខ្លួនដោយស្ម័គ្រចិត្ត ដើម្បីចូលរួមចំណែកក្នុងការជួយដោះស្រាយវិបត្តិកូវីដ-19 នៅកម្ពុជា។
អ្នកប្រដាល់ ឃុន ឌីម៉ា ដែលមានការងារជាជំនួយការ វរសេនាតូចលេខ1 កងរាជអាវុធហត្ថរាជធានីភ្នំពេញ នៅថ្ងៃទី7 ខែមេសា ឆ្នាំ2020 នេះ បានប្រកាសបរិច្ចាគប្រាក់បៀវត្សរ៍របស់ខ្លួន ចំនួន 10ម៉ឺនរៀល ក្នុង 1ខែ សម្រាប់រយៈពេល 5ខែ ចាប់ពីខែឧសភា ដល់ខែកញ្ញា ឆ្នាំ2020 ជូនដល់គណៈកម្មការជាតិប្រយុទ្ធប្រឆាំងនឹងជំងឺកូវីដ-19។
គួរបញ្ជាក់ដែរថា មកទល់នឹងពេលនេះ មានបុគ្គលិករដ្ឋ រួមទាំងនាយករដ្ឋមន្ត្រីកម្ពុជាផងដែរ និងសប្បុរសជនជាច្រើន បានបរិច្ចាគទឺកប្រាក់របស់ខ្លួនដើម្បីជួយជាធនធានដល់គណៈកម្មការជាតិប្រយុទ្ធប្រឆាំងនឹងជំងឺកូវីដ-19៕
