កូវីដ-19 ធ្វើឱ្យ Ronaldo ត្រូវទៅលេងនៅ Real វិញ រដូវកាលក្រោយ

ក្លិបបាល់ទាត់ជាច្រើន រួមទាំង Juventus ផង កំពុងជួបវិបត្តិហិរញ្ញវត្ថុ ដោយសារតែមិនមានការប្រកួត។ កត្តានេះ អាចនឹងធ្វើឱ្យក្លិបសេះបង្កង់មួយនេះ ត្រូវតែលក់ចេញកីឡាករមួយចំនួន ដើម្បីទទួលបានប្រាក់ខ្លះមកវិញ ក្នុងការស្រោចស្រង់ក្លិប។

ខ្សែប្រយុទ្ធរបស់ក្លិបបាល់ទាត់ Juventus គឺកីឡាករ Cristiano Ronaldo ត្រូវបានក្លិបរបស់ខ្លួនប្រកាសលក់ទៅឱ្យក្លិបចាស់របស់គេ Real Madrid វិញឱ្យបានមុនរដូវកាលក្រោយនេះ ដើម្បីយកលុយមកដោះទាល់ក្លិប ដែលកំពុងតែមានវិបត្តិហិរញ្ញវត្ថុនាពេលបច្ចុប្បន្ន។
ក្លិប បានបង្ហើបឱ្យដឹងថា Juventus អាចនឹងលក់ Ronaldo ឱ្យទៅ Real Madrid វិញ ក្នុងតម្លៃខ្លួនតែ 50លានផោនប៉ុណ្ណោះ ខណៈដែលតម្លៃខ្លួនរបស់គេកាលពីដើមរដូវកាល2019 ថ្លៃដល់ទៅ 100លានដុល្លារឯណោះ៕