Neymar បរិច្ចាគ 1លានដុល្លារ ជួយប្រយុទ្ធប្រឆាំងនឹងវីរុសកូរ៉ូណា

កាលពីពេលកន្លងទៅថ្មីៗនេះ កីឡាករជម្រើសជាតិប្រេស៊ីល Neymar JR បានធ្វើការបរិច្ចាគប្រាក់ផ្ទាល់ខ្លួនដោយលាក់កំបាំង ជួយផ្គត់ផ្គង់ការប្រយុទ្ធប្រឆាំងនឹងជំងឺដែលបណ្ដាលមកពីវីរុសមួយនេះនៅទូទាំងពិភពលោក ចំនួន 1លានដុល្លារ។
យ៉ាងណាមិញប្រាក់បរិច្ចាគទាំងនេះ ខ្សែប្រយុទ្ធវ័យ 28ឆ្នាំរូបនេះ បានធ្វើការផ្ដល់ជូនមួយចំនួនតាមរយៈ អង្គការពិភពលោក UNICEF និងមួយចំនួនទៀតតាមសិល្បករ ឬតារានានា ដែលបានបង្កើតកម្មវិធីរៃអង្គាសដោយខ្លួនឯង។
គួរបញ្ជាក់ដែរថា គិតមកទល់នឹងពេលនេះមានកីឡាករជាច្រើនបានផ្តល់ជាថរិកាជួយមូលនិធិជំងឺកូវីដ-19 ដែលមានដូចជា Ronaldo, Messi, Lowandoski ដែលបានជួយក្នុងម្នាក់ៗ 1លានដុល្លា និងមានកីឡាករជាច្រើនរូបទៀតផងដែរ៕