កីឡាករ Bacelona យល់ព្រមបើកប្រាក់ខែតែ 30% ពេលមានវិបត្តិកូរ៉ូណា

ក្លិបបាល់ទាត់ Bacelona បានចេញសេចក្តីថ្លែងការណ៍ថា ខ្លួននឹងកាត់ប្រាក់ខែពីកីឡាករទាំងអស់ ចំនួន 70% ពោលគឺ ក្លិបនឹងបើកប្រាក់ខែជូនកីឡាករទាំងអស់របស់ក្លិបតែ 30ភាគរយប៉ុណ្ណោះ ក្នុងអំឡុងពេលមានវិបត្តិកូរ៉ូណានេះ ហើយកីឡាករទាំងអស់ក៏បានយល់ព្រមផងដែរ។
ចំពោះការកាត់ប្រាក់ខែកីឡាករនេះ ត្រូវបានក្លិបឱ្យដឹងដែរថា គឺដើម្បីជួយសម្រួលដល់ក្លិបក្នុងការបើកប្រាក់ខែជូនបុគ្គលិកផ្សេងៗក្រៅពីកីឡាករ ដើម្បីឱ្យទទួលបានប្រាក់ខែដូចធម្មតា ខណៈដែលពួកគេនៅធ្វើការធម្មតា អំឡុងពេលដែលកីឡាករសម្រាកនេះ។
គួរបញ្ជាក់ដែរថា បច្ចុប្បន្ន​អេស្ប៉ាញ​មាន​ករណី​ឆ្លង​កើន​ដល់ ​87,956​ករណី ស្លាប់​ 7,716​នាក់​ ក្លាយ​ជា​ប្រទេស​ដែល​មាន​ការ​ឆ្លងរាលដាល​​អាក្រក់​ជាង​គេ​មួយ​ក្នុង​ពិភពលោក៕