ភ្នំពេញ៖ មុននឹងផ្តល់កម្ចីគេសង្កេតឃើញថា មន្រ្តីឥណទានតាមគ្រឹះស្ថានមីក្រូហិរញ្ញវត្ថុនីមួយៗតែងចុះទៅពិនិត្យទីតាំងដល់លំនៅដ្ឋាន និងពិនិត្យមើលឯកសារយ៉ាងល្អិតល្អន់ ដើម្បីចៀសវាងការបោកប្រាស់ពីអតិថិជន។ ប៉ុន្តែសម្រាប់គ្រឹះស្ថានមីក្រូហិរញ្ញវត្ថុសំរិទ្ធិស័កវិញ បែជាប្រកាសផ្តល់កម្ចីតាមអនឡាញដើម្បីផ្តល់ភាពងាយស្រួលតាមអនឡាញ។
មន្រ្តីទំនាក់ទំនងនៃគ្រឹះស្ថានមីក្រូហិរញ្ញវត្ថុ សំរិទ្ធិស័ក លីមីតធីត បានផ្តល់បទសម្ភាសថា ដើម្បីផ្តល់ភាពងាយស្រួលដល់អតិថិជន គ្រឹះស្ថានមីក្រូហិរញ្ញវត្ថុបានសម្រេចផ្តល់កម្ចីជូនអតិថិជនដោយគ្រាន់តែចុះឈ្មោះ និងបំពេញសំណុំបែបបទតាមប្រព័ន្ធអនឡាញប៉ុណ្ណោះ។ កម្ចីនៃគ្រឹះស្ថានមីក្រូហិរញ្ញវត្ថុសំរិទ្ធិស័កមានច្រើនប្រភេទទៅតាមការចង់បានរបស់អតិថិជនប៉ុន្តែកម្ចីអនឡាញនេះគឺ ផ្តល់ជូនសម្រាប់តែអ្នកធ្វើការតែប៉ុណ្ណោះ ដែលតម្រូវឱ្យផ្ញើឯកសារតាមប្រព័ន្ធអនឡាញ ហើយភ្នាក់ងារឥណទាន និងធ្វើការទំនាក់ទំនងតាមទូរស័ព្ទទៅវិញ។
យ៉ាងណាក៏ដោយការផ្តល់កម្ចីតាមអនឡាញនេះ គឺផ្តល់ជូនប្រាក់កម្ចីស្មើនឹងលិខិតបញ្ជាក់ប្រាក់ខែតែប៉ុណ្ណោះ (បើប្រាក់ខែ 500ផ្តល់ជូន 500ដែរ) មិនអាចផ្តល់ឱ្យច្រើនគុណនឹង 5ដងឬ 10ដងនៃប្រាក់ខែ ដូចគ្រឹះស្ថានមីក្រូហិរញ្ញវត្ថុដទៃនោះទេ គឺបានប្រហែលនឹងការធ្វើ VISA Card ប៉ុណ្ណោះ តែខុសគ្នាត្រង់ថា Visa Card យើងទិញទំនិញតាមអនឡាញ ហើយកម្ចីរបស់សំរិទ្ធិស័ក អាចដកជាលុយសុទ្ធដើរទិញទំនិញបាន។
ដើម្បីអាចចុះឈ្មោះស្នើសុំកម្ចីនេះបានសូមចូលទៅគេហទំព័រគ្រឹះស្ថានមីក្រូហិរញ្ញវត្ថុសំរិទ្ធិស័ក ហើយចូលទៅកាន់ពាក្យស្នើសុំកម្ចី (Loan Request) ដែលមានការណែនាំក្នុងវីដេអូ ដូចខាងក្រោម ៖
