ទន្ទឹមនឹងលេចឮព័ត៌មានពាក់ព័ន្ធពីការជាប់ពន្ធនាគារបស់សមាជិកក្រុមចម្រៀង BIGBANG គឺលោក TOP នោះបានធ្វើឱ្យក្រុមអ្នកគាំទ្រមានការខកចិត្តយ៉ាងខ្លាំង ប៉ុន្ដែនាពេលថ្មីៗនេះ តារាចម្រៀង G-Dragon ជាសមាជិកក្រុមចម្រៀងដដែលនេះបានចេញមកអះអាងថា BIGBANG និងត្រឡប់មកវិញជាថ្មីម្ដងទៀតនាពេលឆាប់ៗនេះ ដោយមិនធ្វើឱ្យអ្នកគាំទ្រទាំងអស់ខកចិត្តឡើយ។
គួរបញ្ជាក់ផងដែរថា តារាចម្រៀងប្រុស G-Dragon ទើបតែបញ្ចប់ការប្រគំតន្ត្រី M.O.T.T.E World Tour លើកទី 3 ដោយទទួលបាននូវភាពជោគជ័យយ៉ាងខ្លាំងនោះបាននិយាយថា លោកនៅតែលើកទឹកចិត្តដល់សមាជិកក្រុមទាំងអស់ និងអ្នកគាំទ្រមិនឱ្យមានការបាក់កម្លាំងចិត្តដោយសារតែរឿង TOP នេះទេ។ ដោយឡែកលោកបានបង្ហោះនៅលើបណ្ដាញទាក់ទងសង្គម អ៊ីនស្ដាក្រាមរបស់លោកដើម្បីឱ្យអ្នកគាំទ្រទាំងអស់បានយល់ថា នៅអំឡុងពេលខាងមុខទៀតនេះនឹងមានការជួបជុំក្រុមចម្រៀង BIGBANG ដូចមុន ហើយពួកគេនឹងវិលមកជុំគ្នាគ្រប់រូបទាំងអស់។
ជាចុងក្រោយនេះ ការថ្លែងនូវក្ដីសង្ឃឹមទៅកាន់បណ្ដាហ្វ៊ែនៗនេះអាចចាត់ទុកបានថា ក្រុមចម្រៀង BIGBANG នឹងគ្មានថ្ងៃរំលាយក្រុមឡើយ៕
