ក្រុមហ៊ុន Facebook និង Google បានធ្វើការណែនាំឱ្យបុគ្គលិកក្នុងតំបន់ San Francisco Bay ធ្វើការនៅផ្ទះ ដើម្បីកាត់បន្ថយឱកាសនៃការឆ្លង COVID-19។
តាមការលើកឡើងរបស់ Anthony Harrison អ្នកនាំពាក្យរបស់ Facebook បាននិយាយថា Facebook បាននិយាយថា ខ្លួនសុំធ្វើការណែនាំឱ្យបុគ្គលិកក្នុងតំបន់ San Francisco Bay ទាំងអស់ រួមទាំងបុគ្គលិកធ្វើការក្រៅម៉ោងផង គួរតែធ្វើការនៅផ្ទះចាប់ពីថ្ងៃសុក្រអាទិត្យនេះតទៅ។
ការសម្រេចចិត្តនេះ គឺផ្អែកតាមសេចក្ដីណែនាំចេញពី Santa Clara County កាលពីថ្ងៃព្រហស្បតិ៍ ចំណែក Google វិញ ក៏បានផ្ដល់ជម្រើសធ្វើការនៅផ្ទះដល់បុគ្គលិកក្នុងតំបន់ខាងលើផងដែរ។
ដោយឡែក ក្រុមហ៊ុន Microsoft ក៏បានបញ្ជាក់កាលពីថ្ងៃសុក្រសប្ដាហ៍មុនផងដែរថា មានបុគ្គលិករបស់ខ្លួនចំនួន 2នាក់បានផ្ទុកវីរុស COVID-19 និងបច្ចុប្បន្ន កំពុងសម្រាកព្យាបាលនៅឡើយ៕