តារាចម្រៀងរ៉េប TOP សមាជិកក្រុមចម្រៀង Big Bang បានចូលខ្លួនបង្ហាញវត្តមាននៅក្នុងសាលជំនុំជម្រះក្ដី Seoul Central District Court នៅក្នុងថ្ងៃនេះ បន្ទាប់ពីបានទទួលដីកាកោះហៅចំនួន2ដង។ តារានៅជ្រកក្រោមដំបូលរបស់ផលិតកម្ម YG ត្រូវបានតុលាការសម្រេចកាត់ទោសពីបទប្រើប្រាស់គ្រឿងញៀនខុសច្បាប់នៅក្នុងផ្ទះ និងមានមិត្តស្រីជាអ្នកបង្ហាត់បង្រៀនលោកប្រើបា្រស់ចាប់ពីខែកញ្ញា រហូតដល់ខែធ្នូ ឆ្នាំ2016 ហើយអ្នកទាំងពីរបានរួមសមគំនិតគ្នាប្រើប្រាស់ និងប្រព្រឹត្តល្មើសនឹងច្បាប់របស់ប្រទេសកូរ៉េ ។
សេចក្ដីសម្រេចចុងក្រោយនេះ តុលាការបានកាត់ទោសលោក Choi Seung Hyun ហៅ TOP ឱ្យជាប់ពន្ធនាគារចំនួន 2 ឆ្នាំ ដោយបង់ប្រាក់ចំនួន 12,000 វ៉ុន ដែលចាប់ផ្តើមអនុវត្តសាលក្រមលើរូបលោកចាប់ពីខែតុលា និងដកហូតតំណែងជាមន្ត្រីការពារជាតិ ព្រមទាំងបិទសិទ្ធិចូលហាត់ទាហានរហូតមួយជីវិត និងការងារទាំងអស់ដែលលោកមានក៏ត្រូវបញ្ឈប់ទាំងអស់ដែរ៕
