នៅពេលថ្មីៗនេះ តាមរយៈបណ្ដាញសង្គមហ្វេសប៊ុករបស់កំពូលតារាចម្រៀងប្រុស ព្រាប សុវត្ថិ បានបង្ហោះរូបភាពជាច្រើន ដែលបានឱ្យដឹងថា លោកបានចំណាយប្រាក់អស់ប្រមាណ៣០ម៉ឺនដុល្លារ ដើម្បីទិញខុនដូរដែលមានទីតាំងល្អនៅទល់មុខមាត់ទន្លេ។
កំពូលតារាចម្រៀងប្រុសប្រចាំផលិតកម្មរស្មីហង្សមាសរូបនេះ មិនត្រឹមតែគេដឹងថា ជាតារាល្បីដែលសំបូរទ្រព្យប៉ុណ្ណោះទេ លោកក៏ជាម្ចាស់ចម្ការស្វាយចន្ទីររាប់សិបហិកតារនៅខេត្តរតនៈគីរី និង មានដីច្រើនកន្លែង បន្ថែមពីវីឡាបែបខ្មែរនៅកណ្ដាលភ្នំពេញ និងជាម្ចាស់ខុនដូរតម្លៃរបស់ម៉ឺនដុល្លារទៀត។
តាមការបញ្ជាក់របស់ លោក ព្រាប សុវត្ថិ បង្ហោះថា លោកបានទិញនដូ Morgan Enmaison តម្លៃជិតកន្លះលានដុល្លារនេះ តាំងពីគម្រោងខុនដូដ៏ធំ ដែលបានឈរជើង នៅលើអតីតបន្ទាយទាហានជើងទឹកចាស់ ក្នុងទំហំផ្ទៃដី2.5 ហិចតានេះ បុកគ្រឹះសាងសង់ក្ដៅៗម្លេះ ខណៈដែលខុនដូររបស់លោក មកទល់ពេលនេះ គឺបានឡើងថ្លៃជិតកន្លះលានដុល្លារទៅហើយ។ នេះជាគម្រោងខុនដូ ដែលបានសាងសង់រហូតដល់ទៅ5អាគារធំៗ ដែល អាគារទី1 និងទី 6 មានកម្ពស់ 47 ជាន់ អាគារទី2 និងទី 5 មានកម្ពស់ 53ជាន់ និងអាគារទី3 នៅកណ្តាលគេ មានកម្ពស់70ជាន់ នេះ កំពុងក្លាយជាគម្រោងខុនដូដែលទាក់ទាញយ៉ាងខ្លាំង ដោយសារតែក្នុងគម្រោងនេះ ក្រៅពីមានខុនដូជាង6០០០យូនីត ក៏មានកន្លែងចតរថយន្តដែលអាចផ្ទុករថយន្តបានដល់ជាង២ពាន់រថយន្ត និងត្រូវបានស្ថាបនា ដើម្បីធ្វើឱ្យអ្នករស់នៅក្លាយជាមនុស្សស៊ីវិល័យ និងស័ក្តសមជាអ្នកមានទ្រព្យសម្បត្តិស្តុកស្តម្ភ ហើយរស់នៅប្រកបដោយសុវត្តិភាពខ្ពស់។ ទីតាំងនេះ សមស្របនឹងខ្យល់អាកាសបរិសុទ្ធ និងអាចមើលឃើញទេសភាពទន្លេទាំង៣ពីលើអាគារ គឺទន្លេមេគង្គ ទន្លេសាប និងទន្លេបាសាក់ ដែលអំណោយផលសម្រាប់សុខភាព និងទាក់ទាញកំពូលតារាល្បីល្បាញឱ្យបោះទុនភ្លាមទិញទុកស្នាក់នៅបែបស៊ីវិល័យ។
