លោក Park Jin Young បានពន្យល់អះអាងថា ច្បាប់សំខាន់មួយនៅក្នុងគោលការណ៍ច្បាប់ទាំងអស់របស់ផលិតកម្ម JYP Entertainment គឺត្រូវតែបង្គាប់ឱ្យបុគ្គលិក និងតារាទាំងអស់គោរពតាម ។ លោកបានអះអាងបែបនេះចំពោះបុគ្គលិក និងតារាទាំងអស់របស់ JYP Entertainment ដែលបានទៅផឹកស៊ីនៅក្នុងបារ៍រាត្រី ព្រមទាំងរំខាន និងបង្កទង្វើអសីលធម៌ចំពោះស្ត្រីបម្រើការក្នុងបារ៍។
ដោយឡែកបារ៍ទាំងអស់នោះបានជួលនារីៗដើម្បីឲ្យបម្រើបុរសជាអតិថិជនក្នុងការផឹកជាមួយ និងកំដភ្ញៀវ និងធ្វើការសន្ទនាគ្នាលេងតែប៉ុណ្ណោះ។ លោក Park Jin Young បានពន្យល់ និងអះអាងច្បាប់ដំបូងបង្អស់របស់លោកទៅកាន់តារាប្រុស និងបុគ្គលិកថា៖ «មុនហ្នឹងខ្ញុំបានប្រាប់អ្នករាល់គ្នាតាំងពីដំបូង ពួកអ្នកបានខឹងសម្បាយ៉ាងខ្លាំងមកលើខ្ញុំ ហើយបានសួរថា កន្លែងណាដែលពួកយើងត្រូវជួបនិយាយគ្នា និងពិភាក្សាអំពីការងារ ? តើពួកយើងជួបគ្នានៅទីនោះមែនឬទេ?»។
ជាការឆ្លើយតប តារាចម្រៀង និងប្រធានក្រុមហ៊ុន JYP Entertainment រូបនេះបានឆ្លើយថា “ខ្ញុំបានប្រាប់អ្នកទាំងអស់រួចមកហើយ ហើយវាគ្មានបញ្ហាអ្វីត្រូវឱ្យក្រុមហ៊ុនភ័យខ្លាចដួលរលំឡើយ ហើយភ្លាមៗនេះ បើអ្នកឈានជើងចូលទៅក្នុងបារ៍រាត្រីណាមួយភ្លាមនោះ អ្នកនឹងត្រូវល្មើសច្បាប់ក្រុមហ៊ុនហើយ” ៕
