លោក ឈី កុលបុត្រា អនុប្រធានលេខាធិការរដ្ឋាន នៃគណៈកម្មការរៀបចំប្រកួតបាល់ទាត់ជាតិកម្ពុជា ( CNCC ) បានបញ្ជាក់ក្នុងសន្និសីទកាសែតបើករដូវកាលឆ្នាំ2020 ទាំងពានរង្វាន់សម្តេចនាយករដ្ឋមន្ត្រី ហ៊ុន សែន និងលីកកំពូលកម្ពុជាថា ប្រាក់រង្វាន់នៃពានលីកកំពូលកម្ពុជា រដូវកាល2020 នេះ នឹងត្រូវដំឡើងជាលើកដំបូងចាប់តាំងពីឆ្នាំនេះតទៅ។
ចំពោះចំនួនដែលត្រូវដំឡើងប៉ុនណា គឺមិនទាន់ត្រូវបានបញ្ជាក់ឱ្យបានច្បាស់ការនៅឡើយទេ ដោយសារតែមិនទាន់បញ្ចប់ការស្នើសុំនេះ ដោយលោកដឹងត្រឹមតែថា នឹងមានការដំឡើងតែប៉ុណ្នោះ។
តាមប្រភពស្និទ្ធនឹងសហព័ន្ធកីឡាបាល់ទាត់កម្ពុជា បានបង្ហើបឱ្យដឹងថាមានការស្នើសុំដំឡើងពី 60លានរៀល (កាលពីឆ្នាំចាស់) ទៅកាន់ 80លាន ក្នុងរដូវកាលឆ្នាំ2020 នេះ តែចំនួននេះទើបតែស្នើឡើងទៅ នៅមិនទាន់ទទួលបានការយល់ព្រមនៅឡើយទេ៕
