ស្បែកមុខទន់ សភ្លឺរលោង គឺជាអ្វីដែលនារីគ្រប់រូបប្រាថ្នាចង់បាន ដើម្បីបង្ហាញនូវភាពស្រស់ ស្អាត និងភាពទាក់ទាញរបស់ខ្លួនពីមនុស្សនៅជុំវិញខ្លួន ជាពិសេស សម្រាប់បង្ហួតដល់មនុស្សដែលខ្លួនកំពុងលួចស្រឡាញ់ ឬគូស្នេហ៍របស់អ្នក។ ស្បែកទន់ ភ្លឺរលោង ស្រស់ស្អាត អាចទទួលបានតាមរយៈការប្រើប្រាស់ផលិតផលកែសម្ជស្ស និងតាមរយៈវិធីតាមបែបធម្មជាតិ។ តែយ៉ាងណាមិញ មានវិធីមួយដែលអ្នកគួរយកមកប្រើសាកល្បង នោះគឺការទទួលទានទឹកផ្លែឈើស្រស់ ដែលជួយដល់ទាំងសុខភាពរាងកាយ និងសុខភាពស្បែករបស់អ្នក។ អាយុកាលមិនអាចរងចាំការថែសម្ផស្សបានទេ សូមសាកទទួលទានទឹកផ្លែឈើមួយចំនួនដូចខាងក្រោមនេះ ដើម្បីឱ្យស្បែកកាន់តែទន់ សម៉ដ្ឋ និងភ្លឺរលោងដោយធម្មជាតិ។
1.ទឹកក្រូចឆ្មារ
ផ្លែក្រូច សម្បូរទៅដោយវីតាមីនសេ ដែលជាអង់ទីអុកស៊ីដង់ដ៏ខ្លាំងក្លា ដែលអាចជួយបញ្ចេញជាតិពុល និងការពារស្បែក ព្រមទាំងធ្វើឱ្យមានស្មារតីល្អ ការចងចាំក៏ល្អដែរ។ ដូច្នេះប្រសិនបើអ្នកមានបញ្ហាសម្រស់ មានចំណុចខ្មៅ ស្នាមមុន ស្នាមរបួស ឬ keratinization សូមព្យាយាមប្រើក្រូច ដើម្បីទទួលបាននូវស្បែកភ្លឺស្អាត។ អ្នកអាចទទួលទានលាយជាមួយទឹកឃ្មុំក៏បានដែរ។
2.ទឹកផ្លែល្ហុង
ផ្លែល្ហុងផ្ទុកនូវវីតាមីន A, C, B, Pantothenic Acid ហ្វូឡាត និងសមាសធាតុរ៉ែ ដូចជា ស្ពាន់ប៉ូតាស្យូម និងម៉ាញ៉េស្យូម។ ហើយផ្លែល្ហុង ក៏មានអង់ស៊ីមដូចជា Papain និង Chymopapain ដែលជួយការពារការខូចខាតនៃស្បែកដោយរ៉ាឌីកាល់សេរី និងមានលក្ខណៈសម្បត្តិប្រឆាំងនឹងបាក់តេរីផ្សិត និងវីរុសផងដែរ។ ផ្លែល្ហុងអាចជួយការពារការទល់លាមក ដែលជាមូលហេតុមួយជួយដល់សុខភាពស្បែកផងដែរ។ វាក៏អាចជួយព្យាបាលជំងឺឫសសក់ ក្រពះ និងខួរក្បាលទៀតផង។ អ្នកវិទ្យាសាស្ត្រក៏បានរកឃើញថា ផ្លែល្ហុងអាចជួយព្យាបាលរបួស និងដំបៅស្បែករ៉ាំរៃជាដើម។
3.ទឹកឪឡឹក
ឪឡឹក គឺវាល្អសម្រាប់ស្បែករបស់អ្នកជាខ្លាំងជាពិសេសប្រសិនបើអ្នកមានស្បែកដែលមានជាតិខ្លាញ់ និងស្បែកឆាប់ចាស់។ ផ្លែឪឡឹកមានជាតិសរសៃ 0.4%, ជាតិទឹក 92%, ជាតិស្ករ 0.4%,វីតាមីន C, A, B1 និងB6, Carotenoids, Flavonoidsនិង Lycopene។ វាមានជាតិខ្លាញ់សូន្យ និងមិនមានកូឡេស្តេរ៉ុលខ្ពស់នោះទេ។ ថ្នាំ Lycopeneជួយផ្តល់អុកស៊ីហ៊ែ្សន និងបង្ការការខូចខាតចំពោះស្បែក។ ជាតិទឹក ជួយបង្ហូរជាតិពុល និងធ្វើឱ្យចលនាពោះវៀនមានភាពល្អប្រសើរឡើង។
4.ទឹកផ្លែប៊័រ
ផ្លែប៊័រ គឺសម្បូរទៅដោយជាតិខ្លាញ់ល្អចំពោះសុខភាព អាហារបំប៉ន និងវីតាមីន E, A, C, K, B6, Niacin, Folate និង Pantothenic Acid។វាមានសារធាតុប្រឆាំងអុកស៊ីតកម្ម ដែលជួយកាត់បន្ថយការខូចខាតអុកស៊ីតកម្មដែលជាលទ្ធផលការពារ DNA ពីការខូចខាត។ ការប្រើប្រាស់ផ្លែប៊័រអាចជួយទប់ស្កាត់ភាពចាស់ជាងវ័យ ដោយសារតែវាសម្បូរទៅដោយសារជាតិ Lutein និង Aeaxanthin ដែលការពារស្បែករបស់អ្នកពីកាំរស្មីយូវី។ ខ្លាញ់ដែលល្អចំពោះសុខភាពដែលមាននៅក្នុងផ្លែប៊័រជួយរក្សានូវការបត់បែនរបស់ស្បែក កាត់បន្ថយការរលាក និងជំរុញដល់ការព្យាបាលមុខរបួសឱ្យឆាប់ជាសះស្បើយ។
5.ទឹកផ្លែទទឹម
និយាយទៅ ផ្លែទទឹមវាមានរូបរាងស្រស់ស្អាត និងរសជាតិផ្អែមឆ្ងាញ់ នេះគឺមិនមែនជាកត្តាតែមួយ ដែលធ្វើឱ្យទឹកទទឹមមានការពេញនិយមនោះទេ។ វាមានគ្រាប់តូចៗ វាមានភាពពេញលេញនៃជាតិសរសៃ ហើយប្រភេទនៃផ្លែទទឹមនេះ ធ្វើឱ្យអ្នកមានអារម្មណ៍ថាឆ្អែត។ គឺវាសម្បូរទៅដោយសារធាតុវីតាមីន E, A, C B1 និងB6 ប្រឆាំងអុកស៊ីតកម្មផងដែរ វាជួយបង្កើនប្រព័ន្ធការពារក្នុងរាងកាយរបស់អ្នក។ ដូច្នេះផ្លែទទឹមគឺមានសារៈសំខាន់ណាស់សម្រាប់វិធីសម្រកទម្ងន់ និងធ្វើឱ្យស្បែកភ្លឺសម៉ដ្ឋរលោង។
6.ទឹកក្រូចស្រស់
ទឹកក្រូចផ្អែម និងទឹកក្រឡុកមានពណ៌ស្រស់ស្អាត និងជួយសម្អាតក្លិនមិនល្អតាមរយៈខ្យល់ដង្ហើមបានទៀតផង។ ផ្លែក្រូចក្រហម ឬក្រូចពោធិ៍សាត់មានសារៈសំខាន់សម្រាប់ស្បែករបស់អ្នកយ៉ាងល្អផងដែរ។ ផ្លែក្រូចក៏សម្បូរទៅដោយវីតាមីន C ដែរ ដោយផ្លែក្រូច 100ក្រាមមានវីតាមីន C រហូតដល់ 54មីលីក្រាម ដែលជាសារជាតិប្រឆាំងអុកស៊ីតកម្មដ៏ល្អ។ នេះមានន័យថា ផ្លែក្រូចអាចជួយទប់ស្កាត់ការខូចខាតអុកស៊ីតកម្ម, ការខូចខាត DNA, កាត់បន្ថយការរលាក និងជំនួយដល់ការសំយោគកូឡាសែន។ មិនតែប៉ុណ្ណោះ វីតាមីន C មាននៅក្នុងផ្លែក្រូចក៏ជួយដល់ស្បែកដូចជា ៖
– បំបាត់ស្នាមមុន ធ្វើឱ្យស្បែកស្រស់ថ្លាក្រោយពេលអស់មុន បំបាត់រន្ធញើសរីកធំ និងព្យាបាលស្បែកដែលត្រូវខូចខាតដាយសារកម្ដៅផងដែរ។
– ចិញ្ចឹមថែរក្សា កែសម្រួលសុខភាពស្បែករបស់អ្នកបានយ៉ាងឆាប់រហ័ស។
– ប្រឆាំងរ៉ាឌីកាល់សេរី និងការពារភាពចាស់នៃស្បែក កាត់បន្ថយសារធាតុអុកស៊ីតកម្ម។
– បំបាត់ស្នាមជ្រួញ ស្នាមជាំ អាចម៍រុយ និងធ្វើឱ្យស្បែកសម៉ដ្ឋរលោង៕
