នេះជាវេលាដ៏សោកសៅបំផុតសម្រាប់ក្រុមគ្រួសាររបស់តារាសម្ដែង សនរ៉ាម ឬនាយ ផា បន្ទាប់ពីឪពុករបស់លោកបានទទួលមរណភាពកាលពីថ្ងៃទី9 ខែកក្កដា ឆ្នាំ2017 គឺលោកអ៊ំ ដៀរ៍ ឈុំផន ឬលោកតាឥន្រ្ទ ដែលប្រិយមិត្តខ្មែរយើងបានស្គាល់ច្បាស់តាមរយៈរឿង អាបយាយសាយ បានលាចាកលោកនេះដោយសារជំងឺរ៉ាំរ៉ៃ និងជំងឺត្បៀតសរសៃឈាមខួរក្បាល។ លោក សនរ៉ាម និងគូស្នេហ៍នាង នីខូល ថេរីអូ បានទៅទទួលសពលោកឪពុកជាមួយគ្នាពីមន្ទីរពេទ្យមកកាន់វត្ត ស្រៈកេត ដើម្បីធ្វើពិធីបុណ្យសព និងពិធីបូជា។
រូបភាពទាំងអស់នេះ រាប់ថាជាកិត្តិយសដល់ក្រុមគ្រួសារ ថេពភិថាក់(នាមត្រកូលរបស់សនរ៉ាម) ហើយនៅវេលាម៉ោង 16 : 45 នាទី ព្រះសង្ឃនិមន្ដសូត្រធម៌បំពេញកុសលដល់សពតារាជើងចាស់រូបនេះ ដែលខណៈពេលនោះគេសង្កេតឃើញមានតារាល្បីៗគ្រប់ជំនាន់បានចូលរួមក្នុងពិធីសូត្រមន្ដនេះ ដូចជា អ្នកនាង កុប ស៊ុវៈណាន់ ( ផ្កាយព្រឹក) ក្រុមគ្រួសារតារាចម្រៀង ម៉ស ប៉ាឌិផាន តារាសម្តែងជើងចាស់លោក ក្រុង ស្រ៊ីវិល័យ លោក វិលលី លោក សុទ្ធិផុង និងភរិយា ជាដើម ដែលបានមកចូលរួមរំលែកទុក្ខដល់វិញ្ញាណក្ខន្ធរបស់លោកអ៊ំ ដៀរ៍ ឈុំផន ដែរ។
ដើម្បីឱ្យកាន់តែជ្រាបច្បាស់សូមទស្សនារូបភាពទាំងឡាយនៅក្នុងពិធីបុណ្យសពឪពុកលោក សនរ៉ាម៖
