បើកទំព័រឆ្នាំ2020ឡើង កីឡាករបាល់ទះជម្រើសជាតិកម្ពុជាចំនួន 3រូប ត្រូវបានក្លិបបាល់ទះអាជីពដែលមានសក្តានុពលខាងវិស័យបាល់ទះនៅតំបន់អាស៊ាន ចាប់អារម្មណ៍ក្រោយពេលដែលពួកគេបង្ហាញខ្លួនបានយ៉ាងល្អក្នុងក្រុមជម្រើសជាតិកម្ពុជា។
កីឡាករ គួន មុំ ត្រូវបានក្លិប Jakarta Garuda men’s Volleyball នៃលីកកំពូលប្រទេសឥណ្ឌូនេស៊ី ទិញយកទៅជួយក្រុម ហើយបានធ្វើដំណើរទៅដល់ទឹកដីឥណ្ឌូនេស៊ីហើយកាលពីថ្ងៃទី6 ខែមករា ឆ្នាំ2020 ហើយកីឡាករ សួន ចាន់ណារ៉ូ និងកីឡាករ វឿន វាសនា ក៏ត្រូវបានក្លិប Prince នៃប្រទេសថៃ ចាប់អារម្មណ៍ផងដែរ។ ហើយកីឡាករទាំង 2រូបនេះនឹងត្រូវធ្វើដំណើរចេញទៅទីនោះនៅថ្ងៃទី11 ខែមករា ឆ្នាំ2020 ខាងមុខនេះដែរ៕
