កាលពីពេលថ្មីៗនេះ ក្លិបកីឡាបាល់ទាត់វិសាខា បានប្រកាសចុះកិច្ចសន្យាជាមួយខ្សែប្រយុទ្ធចំណូលថ្មី អតីតកីឡាកររបស់ក្លិបក្រសួងការពារជាតិ រ៉ឹង ប៊ុនហៀង ដើម្បីត្រៀមប្រយុទ្ធលើសមរភូមិវាលស្មៅ នារដូវកាលថ្មីខាងមុខ។
ការប្រកាសអំពីកុងត្រាថ្មីរបស់កីឡាករជម្រើសជាតិឈុតធំកម្ពុជារូបនេះ ក្លិបបាល់ទាត់វិសាខា បានបង្ហាញថា កុងត្រានេះនឹងមានរយៈពេល 3ឆ្នាំ ពោលគឺចាប់តាំងពីដើមឆ្នាំ2020 រហូតដល់ចុងឆ្នាំ2022។
ចំពោះការបង្ហាញខ្លួននៅក្នុងឈុតជម្រើសជាតិវិញ កីឡាកររូបនេះបានជួយឱ្យឈុត U22 កម្ពុជា ទទួលបានចំណាត់ថ្នាក់លេខ4 នៅស៊ីហ្គេមកាលពីចុងឆ្នាំ2019 កន្លងទៅថ្មីៗនេះ៕
