កន្លងមក មហាជនគ្រប់រូបពុំសូវចាប់អារម្មណ៍ដឹងថា ពិធីករល្បីឈ្មោះប្រចាំស្ថានីយ៍ទូទរទស្សន៍ CNC មានទឹកដមសំឡេងច្រៀងបទចម្រៀងបានយ៉ាងក្រអួនក្រអៅនោះទេ។ ស្រាប់តែថ្មីៗនេះ លោកបានបញ្ចេញបទចំរៀងថ្មីរបស់ខ្លួន ដែលជាបទចំរៀង Original Song នៅក្នុងវងតន្ត្រី Alien Band ដែលជាវងតន្ត្រី Pop Rock ដើម្បីអបអរសាទរ ឆ្នាំថ្មី 2020។
លោក សាហារ៉ា បានឱ្យដឹងថា ការចេញបទចំរៀងថ្មីរបស់លោក ជាលក្ខណៈ វង់តន្ត្រី បែបនេះ ដោយសារតែ វា ជាចំណូលចិត្ត និងក្តីប្រាថ្នា របស់លោក តាំងពីយូរមកហើយ ដែលលោកចង់បង្កើតជាវងតន្ត្រី និងផលិតបទចំរៀងថ្មីៗ ស្នាដៃកូនខ្មែរ មិនចំលងបរទេស ។ ជាក់ស្តែង បច្ចុប្បន្ន Alien Band បានផលិតបទចំរៀង ប្រមាណជា ៥បទរួចមកហើយ ហើយនិងបញ្ចេញនៅលើទីផ្សារ ជាបន្តបន្ទាប់ ដោយបទចំរៀងដំបូងដែលបានបង្ហាញមុនគេ មានចំណងជើងថា “ខុសទេ ស្រលាញ់សង្សារគេ” ដែលជាបទចំរៀងនិយាយរៀបរាប់ ពីស្នេហា យុវវ័យ អត្ថន័យចាក់ដោត តម្រូវចិត្តយុវវ័យសម័យថ្មី ។ ក្នុងនោះ លោកក៏បានបង្ហាញពីជំនឿចិត្ត និង សំណូមពរអោយ យុវវ័យទាំងអស់ មេត្តាជួយគាំទ្រស្នាដៃ និងបទចំរៀងរបស់ Alien Band ផងដែរ ។
សូមបញ្ជាក់ថា វងតន្ត្រី Alien Band មានសមាជិកចំនួន៤រូប ដូចជា៖
លោក សាហារ៉ា ជាអ្នកចំរៀង
លោក ប៊ុន សិទ្ធ តន្ត្រីករលេងឧបករណ៍ Guitar
លោក ងឹម សុវណ្ណ តន្ត្រីករលេងឧបករណ៍ Bass
លោក ធា វណ្ណ តន្ត្រីករលេងឧបករណ៍ Drum
ចង់ដឹងថា តើបទចំរៀងរបស់វងតន្ត្រី Alien Band ពិរោះ ឬ យ៉ាងណា សូមទស្សនា វីដេអូខាងក្រោម ៖
