ក្រុមបាល់ទាត់ Master 7 FC ដែលត្រូវតតាំងជាមួយនឹងក្រុមព្រះខ័នរាជស្វាយរៀង ក្នុងពានរង្វាន់ AFC CUP 2020 នឹងទៅធ្វើការបោះជំរំហ្វឹកហាត់នៅប្រទេសថៃ ដើម្បីត្រៀមតតាំងនឹងក្រុមតំណាងកម្ពុជានៅចុងខែមករា ខាងមុខនេះ។
ក្នុងការទៅបោះជំរំហ្វឹកហាត់នៅប្រទេសថៃ ក្រុមជើងឯករងនៃក្របខ័ណ្ឌលីកកំពូលរបស់ប្រទេសឡាវមួយនេះ នឹងប្រកួតមិត្តភាពចំនួន 3ប្រកួតនៅទីនោះ ជាមួយនឹងក្រុមនៅក្នុងក្របខ័ណ្ឌលីកទី2 របស់ថៃ គឺក្រុម Nongbua Pitchaya FC នៅថ្ងៃទី8 មករា បន្ទាប់មកជួបក្រុមលីកទី២ ថៃ ជាថ្មីម្ដងទៀត គឺក្រុម Khonkaen United នៅថ្ងៃទី10 និងប្រកួតចុងក្រោយជួបក្រុមលីកកំពូលថៃ Nakhonrachasima FC នៅថ្ងៃទី12 ខែមករា។
គួរបញ្ជាក់ផងដែរថា ក្រុមជើងឯករងលីកកំពូលរបស់ឡាវ Master 7 FC នេះនឹងត្រូវប្រកួតជាមួយក្រុមជើងឯកលីកកំពូលកម្ពុជា ព្រះខ័នរាជស្វាយរៀង ក្នុងវគ្គជម្រុះដើម្បីដណ្តើមកៅអីទៅកាន់វគ្គចែកពូលក្នុងពានរង្វាន់ AFC CUP 2020៕
