កាលពីពេលថ្មីៗនេះ កីឡាករខ្សែបម្រើប្រយុទ្ធសញ្ជាតិថៃ Chanatip Shonkrasin ឫ Messi Jay បានផ្តល់បទសម្ពាសទៅកាន់អ្នកសារព័ត័មានជុំវិញការត្រៀមខ្លួនដើម្បីចូលរួមការប្រកួតពានរង្វាន់ AFC U23 ដែលថៃធ្វើជាម្ចាស់ផ្ទះ។
មានសំណួរមួយដែលអ្នកសារព័ត៌មានបានសួរទាក់ទងនឹងការអភិវឌ្ឍខ្លាំងរបស់បាល់ទាត់វៀតណាម កីឡាករខ្សែបម្រើប្រយុទ្ធថៃរូបនេះ បានថ្លែងថា កីឡាករវៀតណាមគេត្រូវតែខិតខំប្រឹងប្រែងខ្លាំងទើបគេបានឡើងមកដល់ទីនេះ ហើយការខិតខំរបស់គេ គឺខ្លាំងក្លាដោយសារតែគេបានប្រាក់ខែតិច ដូចនេះវាអាចជួយឱ្យពួកគេបានប្រាក់ខែកាន់តែច្រើនឡើងពេលខិតខំលេងបានល្អ។
ទោះបីជាការបកស្រាយពិតប្រាកដបែបនេះក្តី តែពាក្យទាំងនេះបានធ្វើឱ្យអ្នកស្នេហាវិស័យបាល់ទាត់វៀតណាម ធ្វើការថ្កោលទោស ដោយលើកហេតុផលថា ពាក្យសម្ដីនេះបានមើលងាយកីឡាករវៀតណាមទាំងអស់៕
