ចាប់ពីថ្ងៃទី8 ខែមករា ដល់ថ្ងៃទី13 ខែមករា ឆ្នាំ2020 ក្រុមបាល់ទាត់ព្រះខ័នរាជស្វាយរៀង នឹងធ្វើដំណើរទៅធ្វើការប្រកួតជាលក្ខណៈមិត្តភាពជាមួយនឹងក្លិបក្នុងក្របខ័ណ្ឌលីកកំពូលម៉ាឡេស៊ីចំនួន 3ក្លិប។
ក្លិបទាំង 3នោះ រួមមានក្លិប SELANGOR FA, FELDA UNITED, TERENGGANU FC គឺសុទ្ធតែជាក្លិបដែលលេងនៅក្នុងលីកកំពូលម៉ាឡេស៊ីទាំងអស់។
ចំពោះការប្រកួតចំនួន 3ប្រកួតនេះ គឺគ្រាន់តែជាការប្រកួតមិត្តភាព បែបទេសចរណ៍របស់ក្លិបព្រះខ័នរាជស្វាយរៀងតែប៉ុណ្ណោះ គឺមិនមែនជាការប្រកួតដណ្តើមពានរង្វាន់អ្វីមួយឡើយ។
គួររំឭកផងដែរថា ក្លិបបាល់ទាត់ព្រះខ័នរាជស្វាយរៀង កំពុងតែត្រៀមខ្លួនចេញទៅបោះជំរំហ្វឹកហាត់នៅប្រទេសម៉ាឡេស៊ី រយៈពេល 1សប្ដាហ៍ ដើម្បីជាការត្រៀមខ្លួនមុនការប្រកួតជម្រុះពានរង្វាន់ក្លិបបាល់ទាត់ប្រចាំទ្វីបអាស៊ី លំដាប់ទី2 ( AFC Cup 2020 )៕
