ក្រុមម្ចាស់ជើងឯកនៃលីកកំពូលរបស់ម៉ាកាវ MUST CPK បានប្រកួតជាមួយក្រុមម្ចាស់ជើងឯកលីកកំពូលកម្ពុជា ព្រះខ័នរាជស្វាយរៀង ជើងទី1 នាវេលាម៉ោង 6ល្ងាច កាលពីថ្ងៃទី28 ខែធ្នូ ឆ្នាំ2019 នៅទីលាន Urban ផ្លូវ 60ម៉ែត្រ ដែលជាលទ្ធផលក្រុមព្រះខ័នរាជស្វាយរៀង បានយកឈ្នះដោយលទ្ធផល 2ទល់នឹង1។
បន្ទាប់មកនៅថ្ងៃទី29 ខែដដែល វេលាម៉ោង 6ល្ងាច នៅទីលាន Urban ផ្លូវ 60ម៉ែត្រដដែល ក្រុមព្រះខ័នរាជស្វាយរៀងបានបន្តជ័យជម្នះជាលើកទី2 ដោយលទ្ធផល 3ទល់នឹង1។ សរុបទាំង 2ជើងក្រុមព្រះខ័នរាជស្វាយរៀងបានឈ្នះក្រុម MUST CPK ក្នុងលទ្ធផល 5ទល់នឹង2។
គួរបញ្ជាក់ដែរថា ការប្រកួតមិត្តភាពអន្តរជាតិកម្ដៅសាច់ដុំជាមួយក្រុមរបស់ម៉ាកាវ ( Chao Pak Kei ) នេះ គឺដើម្បីជាការត្រៀមសម្រាប់ពាន AFC Cup 2020 ( វគ្គជម្រុះ ) ក៏ដូចជាត្រៀមសម្រាប់រដូវកាលថ្មីរបស់ក្រុមទាំង2 ផងដែរ៕
