កាលពីពេលថ្មីៗនេះ កីឡាករ រ៉ឹង ប៊ុនហៀង ត្រូវបានក្លិបក្រសួងការពារជាតិ ប្រកាសចែកផ្លូវសម្រាប់រដូវកាល2020 ខាងមុខនេះ តែនៅមិនទាន់ច្បាស់អំពីអនាគតក្លិបថ្មីរបស់កីឡាករខ្សែប្រយុទ្ធដ៏មុតស្រួចនេះនៅឡើយទេ។
មកទល់នឹងពេលនេះ ក្លិបបាល់ទាត់ក្រសួងការពារជាតិបានបញ្ជាក់ថា ក្លិបនឹងចែកផ្លូវជាមួយកីឡាកររូបនេះនៅរដូវកាល2020 ខាងមុខនេះ តែកីឡាកររូបនេះកំពុងតែមានក្លិបធំៗ2 ប្រជែងគ្នាដណ្តើមយករូបគេ។ ចំពោះក្លិបថ្មីដែលកីឡាកររូបនេះនឹងផ្ទេរទៅលេងនៅរដូវកាលឆ្នាំ2020ខាងមុខនេះ គឺមិនទាន់ត្រូវបានបញ្ជាក់ជាផ្លូវការឡើយទេ ដោយសាម៉ីខ្លួនបានបញ្ជាក់ថា គេមិនទាន់សម្រេចចិត្តនៅឡើយ។
លោក ភា សុភ័ត្ត្រា ដែលជាអតីតគ្រូបង្វឹករបស់ក្រុមក្រសួងការពារជាតិ បានកោតសរសើរដល់កីឡាកររូបនេះថា៖ « គាត់ជាកីឡាករដែលពិបាករក ព្រោះចៀសតែពីតំណែងអ្នកចាំទី គាត់លេងបានដោយភាពប៉ិនប្រសប់ទាំងអស់ បើដាក់គាត់លេងខាងក្រោម គាត់ជាជញ្ជាំងដ៏រឹងមាំ បើលេងបម្រើប្រយុទ្ឋ គាត់គឺជាចរន្តនៃការបង្កើតឱកាសប្រយុទ្ធ ផ្សារភ្ជាប់ពីក្រោមដល់លើ»៕
រ៉ឹង ប៊ុនហៀង ទុកឱ្យក្លិបក្រសួងការពារជាតិកំណត់វាសនាខ្លួន នៅឆ្នាំ2020
Previous article
Next article