នៅថ្ងៃ១៨ ខែធ្នូ ឆ្នាំ២០១៩ នេះតារាចម្រៀង និងសម្ដែងប្រុសស្រីល្បីឈ្មោះច្រើនផលិតកម្មបានមកជួបជុំគ្នា ថតបទចម្រៀងអបអរខួបលើកទី៤១ឆ្នាំ ជ័យជម្នះ៧មករា ឆ្នាំ២០២០ នាពេលខាងមុខ។
ក្នុងនោះតារាចម្រៀងល្បីឈ្មោះមកពីបណ្ដាផលិតកម្មផ្សេងគ្នា បានបង្ហាញសកម្មភាពស្និទ្ធស្នាលគ្នាទៅវិញទៅមកត្បិតពួកគេ មិនជ្រកក្រោមតំបូលផលិតកម្មតែមួយក្ដីតែស្នាមញញឹម និងភាពរួសរាយរាក់ទាក់នៅតែមានចំពោះគ្នាជានិច្ចមិនដែលផ្លាស់ប្ដូរម្ដងណាឡើយ។ ជាហេតុធ្វើឱ្យអ្នកគាំទ្ររបស់ពួកគេមួយចំនួនបានលើកឡើងថា៖” នេះជាធ្លុងមួយបង្ហាញថាតារាចម្រៀងប្រទេសយើងមានភាពសាមគ្គីគ្នា គ្រប់ពេលជួបជុំគ្នាពួកគាត់តែងតែបង្ហាញស្នាមញញឹម ដោយមិនប្រកាន់ខ្លួនថាមកពីផលិតកម្មតូចឬធំឡើយ។សង្ឃឹមថាទំនាក់ទំនងមួយនេះនៅតែមានជារៀងរហូត”។
តារាល្បីៗដែលមកជួបជុំគ្នាដើម្បីច្រៀងអបអរខួបលើកទី៤១ ថ្ងៃជ័យជម្នះ៧មករា សម្រាប់ឆ្នាំ២០២០ មានដូចជាផលិតកម្មហង្សមាស ផលិតកម្មថោន និងផលិតកម្មសាន់ដេ ជាដើម៕
