ដូចមហាជនមួយចំនួនបានស្គាល់ថា លោក ពឹង ច័ន្ទបរមី គឺជាតារាសម្ដែង ច្រៀង និងបង្ហាញម៉ូដដែលមានរូបរាងស្រស់សង្ហា និងទាក់ចិត្តមិត្តនារីគ្រប់វ័យ។ ហើយនៅពេលថ្មីៗនេះ តារាប្រុសរូបនេះបានទទួលជ័យលាភីលេខ៣ ពីប្រទេសហ្វីលីពីន ក្នុងកម្មវិធី Mister United Continent ។
នៅយប់ថ្ងៃទី១៦ ធ្នូ ឆ្នាំ២០១៩ ក្នុងដំណើរវិលត្រឡប់មកកម្ពុជាវិញ លោក ពឹង ច័ន្ទបរមី បានប្រាប់អ្នកសារព័ត៌មានថា ក្រោយពេលបុរសឯកជនជាតិស៊ូដង់ ត្រូវបានដកតំណែង បេក្ខភាពរងចំណាត់ថ្នាក់លេខ២ ជាជនជាតិថៃ មិនត្រូវបានគេកំណត់អោយទទួលមកុដជំនួសនោះទេ ដោយគេតម្រូវអោយមានការបោះឆ្នោតរវាងលេខ២ និងលេខ៣ នៅក្នុងប្រទេសហ្វីលីពីន។ ជាលទ្ធផលលោកថា លោកត្រូវបានគណកម្មការការប្រកួត និងជនជាតិហ្វីលីពីនទាំងមូលបោះឆ្នោតឱ្យ ទើបលោកទទួលបានមកុដបន្តពីជនជាតិស៊ូដង់ ដោយខាងអ្នករៀបចំការប្រកួត បានប្រគល់អោយកាលពីថ្ងៃទី១០ ធ្នូ ឆ្នាំ២០១៩ នៅក្នុងប្រទេសហ្វីលីពីន។
សូមជម្រាបដែរថា តាមរយៈការទទួលមកុដនោះ លោកត្រូវបានគណកម្មការប្រគល់សាច់ប្រាក់ប្រមាណ២ពាន់ដុល្លារ ព្រមជាមួយលក្ខណ្ឌការងារក្រៅប្រទេសមួយចំនួន ក្នុងរយៈពេល៦ខែ។ ក្នុងក៏តម្រូវមិនអោយលោកចេញប្រកួតក្នុងកម្មវិធីណាមួយ នៅក្នុងអំឡុងពេលកុងត្រាផងដែរ ដើម្បីកុំឱ្យបហរឈមនឹងដកតំណែង ដូចជនជាតិស៊ូដង់។ លោកថាសប្បាយចិត្ត ដែលលោកបានតំណាងអោយប្រទេសកម្ពុជា ហើយទទួលបានកិត្តិយសមួយនេះ លើឆាកអន្តរជាតិ៕
