ទីបំផុត​ ​បាល់ទាត់​កម្ពុជា​ ​បាន​ឡើង​ទៅ​វគ្គ​ពាក់កណ្តាល​ផ្តាច់ព្រ័ត្រ​ស៊ី​ហ្គេម​ជា​ប្រវត្តិសាស្ត្រ​ហើយ​!​!​

​កាលពី​ម្សិលមិញ​នេះ​ ​កម្ពុជា​បាន​យកឈ្នះ​ម៉ាឡេស៊ី​ ​ក្នុង​លទ្ធផល​ ​3ទល់នឹង1​។​ ​ខណៈ​ដែល​ហ្វីលីពីន​បាន​យក​ឈ្នះ​ទី​ម័រ​ដោយ​លទ្ធផល​ ​6ទល់នឹង1​ ​ដែល​ធ្វើ​ឱ្យ​កម្ពុជា​ទទួល​បាន​ឱកាស​ឡើង​ទៅកាន់​វគ្គ​ពាក់កណ្តាល​ផ្តាច់ព្រ័ត្រ​ជាលើកដំបូង​ក្នុងរយៈពេល​ជាង​ ​60ឆ្នាំ​កន្លងមក​។​
​
​លទ្ធផល​នេះ​បាន​ធ្វើ​ឱ្យ​កម្ពុជា​បាន​ឡើង​ទៅកាន់​វគ្គ​បន្ត​ក្នុងនាម​ជា​ក្រុម​លេខ2​ ​ប្រចាំ​ពូល​ ​A​ ​ដោយមាន​ ​7ពិន្ទុ​ក្នុង​ដៃ​ ​ក្រោយ​ប្រកួត​បាន​ ​4លើក​ ​ឈ្នះ2​ ​ស្មើ1​ ​និង​ចាញ់1​ ​ស៊ុត​ចូល​គេ​បាន​ ​10គ្រាប់​ ​គេ​ស៊ុត​ចូល​វិញ​ ​4គ្រាប់​ ​មាន​គ្រាប់​បាល់​ចំណេញ​ដល់ទៅ​ ​6គ្រាប់​។​
​
​តែ​យ៉ាងណាមិញ​ ​កម្ពុជា​នៅ​មិនទាន់​ច្បាស់​ថា​ ​នឹង​ត្រូវ​ប៉ះ​ក្រុម​ណា​នៅឡើយ​ទេ​ ​ដោយ​ត្រូវ​រង់ចាំ​អ៊ុត​មើល​លទ្ធផល​ចប់​ការប្រកួត​ក្នុង​ពូល​ ​B​ ​នា​ល្ងាច​ថ្ងៃនេះ​សិន​ ​ខណៈ​ដែល​ក្រុម​មានលទ្ធភាព​ប៉ះ​កម្ពុជា​ ​អាច​ជា​ ​ថៃ​ ​វៀតណាម​ ​ឫ​ឥណ្ឌូ​នេ​ស៊ី​៕​

​