ក្រុមហ៊ុន CBS បានព្យាយាមយ៉ាងពេញទំហឹងក្នុងការបញ្ឈប់តារាហូលីវូដប្រុសស្រីពីរដួងចេញពីខ្សែភាពយន្តរឿង Hawaii Five-0 គឺ Daniel Dae Kim និង Grace Park ។ តាមរយៈប្រព័ន្ធបណ្ដាញផ្សព្វផ្សាយដែលបានចេញផ្សាយសេចក្ដីថ្លែងការណ៍របស់ក្រុមហ៊ុននេះនៅថ្ងៃម្សិលមិញថា អ្នកទាំងពីរបានបង្កជម្លោះជាមួយក្រុមហ៊ុនអំពីការទាមទារដំឡើងប្រាក់ខែ។
គួរបញ្ជាក់ផងដែរថា តារាសម្តែង Daniel និង Grace គឺជាតួអង្គសំខាន់មួយសម្រាប់ក្រុមហ៊ុនក្នុងការថតរឿង Hawaii Five-0 រយៈពេល 7 ឆ្នាំ និង 7 រដូវកាលមកហើយ ដោយក្រុមហ៊ុនរមែងតែងតែសម្របសម្រួលជាមួយអ្នកទាំងពីរជុំវិញបញ្ហាដំឡើងប្រាក់ខែតាមការទាមទាររបស់ពួកគេដោយមិនបានចាត់ទុកថា រឿងនេះជារឿងមួយធំធេងដែលប៉ះពាល់ដល់ក្រុមហ៊ុនឡើយ។
លោក Daniel Dae Kim មានវ័យ 48ឆ្នាំ បានចរចាប្រាក់ខែជាមួយជាគណៈគ្រប់គ្រងក្រុមហ៊ុននេះ ដោយពោលថា “ខណៈនេះ យើងមិនគួរឈានដល់កិច្ចព្រមព្រៀងដែលពួកយើងមិនបានគោរពគ្នាទៅវិញទៅមកនោះឡើយ អ្នកមានតួនាទីសំខាន់ជាតំណាងរបស់មុខមាត់ក្រុមហ៊ុននៅលើកញ្ចក់អេក្រង់ ហើយយើងនឹងចរចាអំពីក្ដីសង្ឃឹមនៅថ្ងៃអនាគតដ៏ប្រសើ”។
បើទោះបីជាមានការចរចាយ៉ាងណាក្ដីក៏ Daniel Dae Kim បានបង្ហោះអារម្មណ៍ពិតនៅលើ Facebook Page របស់ខ្លួនដែលសំដៅដល់ក្រុមហ៊ុន CBS ថា “ការសម្រេចចិត្តនេះ ពិតជាពិបាកខ្លាំងណាស់ ខ្ញុំប្រហែលមិនអាចត្រឡប់ទៅសម្ដែង Hawaii Five-0 វិញទេ បើទោះបីជាក្រុមហ៊ុនសម្រេចចាប់ផ្ដើមនៅសបា្ដហ៍ក្រោយក៏ដោយ ខ្ញុំមិនស្របចំពោះលក្ខខណ្ឌថ្មីនោះទេ ដូច្នោះខ្ញុំសម្រេចចិត្តមិនបន្ដដំណើរជាមួយ CBS ទេ”៕
