មុន​ប៉ះ​កម្ពុជា​ ​ថៃ​លត់​កោះ​ម៉ា​រី​ណា​ខាងជើង​ ​21ទល់នឹង0​

​ក្រុមបាល់ទាត់​ជម្រើសជាតិ​យុវជន​ដំរី​សឹក​ថៃ​អាយុ​ក្រោម​ ​19ឆ្នាំ​ ​បាន​យកឈ្នះ​ក្រុមបាល់ទាត់​ជម្រើសជាតិ​យុវជន​អាយុ​ក្រោម​ ​19ឆ្នាំ​ដូចគ្នា​របស់​កោះ​ម៉ា​រី​ណា​ខាងជើង​ ​ក្នុង​លទ្ធផល​ដ៏​ច្រើនលើស​លប់​ ​21ទល់នឹង0​ ​កាលពី​ថ្ងៃទី6​ ​ខែវិច្ឆិកា​ ​ឆ្នាំ2019​ ​ម្សិលមិញ​នេះ​ ​នៅ​ឯ​ពហុ​កីឡដ្ឋាន​ជាតិ​អូឡាំពិក​ ​ក្នុង​ការប្រកួត​វគ្គ​ជម្រុះ​ ​AFC​ ​U​-​19​ ​Championship​ ​2020​ ​ប្រចាំ​ពូល​ ​G​។​
​
​គិត​មកទល់​នឹង​ពេលនេះ​ ​ក្រុម​យុវជន​អាយុ​ក្រោម19ឆ្នាំ​របស់​ថៃ​ ​កំពុងតែ​ឈរ​នៅ​កំពូល​តារាង​ ​មាន​ ​6ពិន្ទុ​ពេញ​ ​ក្រោយពី​ប្រកួត​បាន​ ​2លើក​ ​ឈ្នះ​ទាំង​ ​2លើក​ ​ដោយ​រក​គ្រាប់​បាល់​បាន​ដល់ទៅ​ ​30គ្រាប់​ ​ហើយ​មិនទាន់​មាន​ក្រុម​ណា​ស៊ុត​ចូល​ក្រុម​មួយ​នេះ​(​ថៃ​)​នៅឡើយ​។​
​
​ចំណែក​ឯ​ក្រុម​ម៉ាឡេស៊ី​ ​អាយុ​ក្រោម​ ​19ឆ្នាំ​ ​បាន​យកឈ្នះ​ក្រុម​ប្រ៊ុយណេ​ ​អាយុ​ក្រោម19ឆ្នាំ​ ​ដោយ​លទ្ធផល​ ​11ទល់នឹង​ ​0​ ​ខណៈ​ដែល​កម្ពុជា​ត្រូវ​បាន​សម្រាក​ដើម្បី​ត្រៀមខ្លួន​ប្រកួត​ជាមួយនឹង​ក្រុម​ថៃ​អាយុ​ក្រោម19ឆ្នាំ​ ​នៅ​ថ្ងៃទី8​ ​ខែវិច្ឆិកា​ ​ឆ្នាំ២០១៩​ ​ស្អែកនេះ​៕​
​