កាលពីថ្ងៃពុធ ទី30 ខែវិច្ឆិកា ឆ្នាំ2019 កន្លងទៅនេះ គណនី twitter របស់ Keisuke Honda អតីតកីឡាករខ្សែប្រយុទ្ធឆ្នើមជម្រើសជាតិជប៉ុន បានបង្ហោះសារមួយថា លោកនឹងទៅចូលរួមហ្វឹកហាត់នៅលីកកំពូលហូឡង់ជាមួយនឹងក្លិប Vitesse។
ក្រោយចាកចេញពីក្លិប AC Milan ប្រជាប្រិយភាពកីឡាកររូបនេះហាក់ថមថយចុះជាលំដាប់ ដោយបានទៅលេងនៅក្លិបមួយក្នុងក្របខណ្ឌលីកកំពូលអាមេរិក មុននឹងផ្លាស់មកលេងនៅអូស្ត្រាលីនារដូវកាល2019 តែបានត្រឹមកន្លះរដូវកាលប៉ុណ្ណោះ លោកក៏បានចាកចេញពីក្លិបនោះក្នុងបំណងស្វែងរកក្លិបល្អមួយទៀតសម្រាប់ខ្លួន។
គិតមកទល់នឹងពេលនេះមានរយៈពេល 5ខែហើយដែលកីឡាកររូបនេះទំនេរមិនទាន់មានក្លិបលេង ដោយកំពុងតែឈរក្នុងតំណែងជាអ្នកចាត់ការក្រុមជម្រើសជាតិកម្ពុជា៕
