ក្រុមហ៊ុន​ ​Huawei​ ​ចេញ​លក់​ទូរស័ព្ទ​បត់​អេក្រង់​ ​Mate​ ​X​ ​ជា​ផ្លូវការ​ហើយ​ ​តម្លៃ​$​ ​2,400​ ​

​បន្ទាប់ពី​ពន្យារពេល​អស់​ជាច្រើន​ខែ​រួចមក​ ​ពេលនេះ​ក្រុមហ៊ុន​ ​Huawei​ ​បាន​ប្រកាស​ចេញ​ជា​ផ្លូវការ​នូវ​ស្មា​ត​ហ្វូ​ន​អេក្រង់​បត់​ដំបូង​គេ​របស់​ខ្លួន​នៅ​លើ​ទីផ្សារ​ប្រទេស​ចិន​។​ ​
​
​លក្ខណ​សម្បត្តិ​ពិសេស​របស់​ទូរ​សព្ទ័​អេក្រង់​បត់​ ​Mate​ ​X​ ​នេះ​មាន​ដូចជា​៖​ ​មាន​អេក្រង់​ទំហំ​ ​8អ៊ីញ​នៅពេល​លា​ចេញ​។​ ​នៅពេល​ដែល​បត់​ ​វា​ក្លាយជា​ស្មា​ត​ហ្វូ​ន​មាន​អេក្រង់2​ ​ដែល​អេក្រង់​មុខ​មាន​ទំហំ​ ​6.6អ៊ីញ​ ​និង​អេក្រង់​ក្រោយ​មាន​ទំហំ​ ​6.38អ៊ីញ​។​
​
​Mate​ ​X​ ​ប្រើប្រាស់​បន្ទះ​ឈីប​ ​Kirin​ ​980​ ​មាន​ ​Modem​ ​Balong​ ​5000​ ​សម្រាប់​សេវា​ ​5G​ ​ថ្ម​ទំហំ​ ​4500mAh​ ​ប្រើ​កាមេរ៉ា​ ​Leica​ ​និង​មាន​សមត្ថភាព​សាក​ថ្ម​លឿន​ដល់ទៅ​ ​55W​ ​ឯណោះ​។​ ​ប្រភេទ​ដែល​លក់​នៅ​ចិន​ ​គឺ​មិន​មាន​សេវាកម្ម​ ​Google​ ​នោះ​ទេ​ ​ដែល​នេះ​វា​ជា​រឿង​ធម្មតា​ទៅ​ហើយ​សម្រាប់​ប្រទេស​ចិន​។​

គេ​នៅ​រង់ចាំ​មើល​ថា​ ​តើ​ ​Mate​ ​X​ ​ដែល​លក់​លើ​ទីផ្សារ​សកលលោក​ ​នឹង​មាន​ ​ឬ​គ្មាន​សេវាកម្ម​ ​Google​?​
​Mate​ ​X​ ​មានតម្លៃ​ចាប់ផ្តើម​ដល់ទៅ​ ​¥​16,999​ ​យន់​ ​ឬ​ប្រមាណ​ជា​ ​2,400ដុល្លារ​ឯណោះ​៕​
​

​
​
​
​
​