កីឡាករ​ដ៏​ល្អ​ម្នាក់​របស់​អ៊ី​រ៉់ង់​ ​ត្រូវ​បាន​ដកចេញ​ពី​ជម្រើស​ជា​តិ​ភ្លាម​ៗ​ ​ដោយសារ​បញ្ហា​របួស​

​កាលពី​ថ្ងៃទី6​ ​ខែតុលា​ ​ឆ្នាំ2019​ ​ក្រុមបាល់ទាត់​ជម្រើសជាតិ​អ៊ីរ៉ង់​បាន​បញ្ចេញ​បញ្ជី​ឈ្មោះ​កីឡាករ​ចំនួន​ ​23រូប​ចុងក្រោយ​ ​សម្រាប់​ត្រៀម​ប្រកួត​វគ្គ​ជម្រុះ​ ​FIFA​ ​WORLD​ ​CUP​ ​2020​ ​ជាមួយនឹង​កម្ពុជា​នៅ​ថ្ងៃទី10​ ​ខែតុលា​ ​ឆ្នាំ2019​ ​នៅ​ទីក្រុង​តេ​អេ​រ៉ង់​ ​ប្រទេស​អ៊ីរ៉ង់​។​
​
​គួរ​ឱ្យ​ដឹង​ដែរ​ថា​ ​ក្រុមបាល់ទាត់​ជម្រើសជាតិ​អ៊ីរ៉ង់​ ​គឺជា​ក្រុម​ដែល​ខ្លាំង​ជាងគេបង្អស់​ប្រចាំ​ទ្វីបអាស៊ី​ ​ដែល​បច្ចុប្បន្ន​កំពុងតែ​ឈរ​លើ​លេខ1​ ​ប្រចាំ​ទ្វីប​មួយ​នេះ​ ​ដោយសារ​សម្បូរទៅដោយ​កីឡាករ​ដែល​មាន​ទេពកោសល្យ​ខ្ពស់​ ​ជាពិសេស​កីឡាករ​ដែល​លេង​នៅក្នុង​លី​ក​កំ​ពូល​ៗ​នៃ​ទ្វីបអឺរ៉ុប​។​ ​ក្នុង​នោះ​ដែរ​ ​កីឡាករ​ម្នាក់​ ​គឺ​ ​Alireza​ ​Jahanbakhsh​ ​ដែល​លេង​ឱ្យ​ក្រុម​ ​Brighton​ ​&​ ​Hove​ ​Albion​ ​នៅ​ក្របខ័ណ្ឌ​លី​ក​កំពូល​របស់​អង់គ្លេស​បែរជា​ត្រូវ​រង​របួស​ជង្គង់​ធ្វើ​ឱ្យ​រូបគេ​ត្រូវ​បាន​ដកចេញ​ពី​បញ្ជី​ឈ្មោះ​កីឡាករ​ជម្រើស​ជា​តិ​ភ្លាម​ៗ​តែម្ដង​។​
​
​កីឡាករ​ចំនួន​ ​23រូប​ដែល​ស្ថិត​ក្រោម​ការដឹកនាំ​ដោយ​គ្រូបង្វឹក​សញ្ជាតិ​ប៊ែលហ្ស៊ិ​ក​ ​លោក​ ​Marc​ ​Robert​ ​Wilmots​ ​ក្នុង​នោះ​រួមមាន​អ្នកចាំទី​ ​3នាក់​ ​ខ្សែការពារ​ ​8នាក់​ ​ខ្សែបម្រើ​ ​8នាក់​ ​និង​ខ្សែប្រយុទ្ធ​ ​4នាក់​ ​ហើយ​ក្នុងចំណោម​ ​23នាក់​នេះ​ ​មាន​ ​9នាក់​ប្រកប​អាជីព​ជា​កីឡាករ​បាល់ទាត់​ក្រៅប្រទេស​អ៊ីរ៉ង់​ ​ដូចជា​នៅ​កា​តា​ ​ប៊ែលហ្ស៊ិ​ក​ ​ព័រទុយហ្គាល់​ ​និង​រុស្ស៊ី​ជាដើម​៕​

​
​