ថ្ងៃ​ប្រកួត​ជាមួយ​អ៊ីរ៉ង់​ ​ទាំង​គ្រូបង្វឹក​ ​និង​អ្នកចាត់ការ​ក្រុម​គោព្រៃ​នឹង​បង្ហាញ​វត្តមាន​ទាំងអស់គ្នា​

​កាលពី​ម្សិលមិញ​នេះ​ ​លោក​ ​Keisuke​ ​Honda​ ​អ្នកចាត់ការ​ក្រុមជម្រើសជាតិ​កម្ពុជា​បាន​ហោះ​ទៅដល់​ទីក្រុង​តេ​អេ​រ៉ង់​នៃ​ប្រទេស​អ៊ឺ​រ៉ង់​ហើយ​ ​ដើម្បី​ដឹកនាំ​ក្រុមជម្រើសជាតិ​ប្រកួត​នៅ​ថ្ងៃទី10​ ​ខែតុលា​ ​ឆ្នាំ2019​ ​ក្នុង​វគ្គ​ជម្រុះ​ ​WORLD​ ​CUP​។​ ​វត្តមាន​របស់​លោក​កាន់តែ​បង្កើន​កម្លាំងចិត្ត​ដល់​កីឡាករ​របស់​ក្រុមជម្រើសជាតិ​កម្ពុជា​ទាំងអស់​បន្ថែម​ពីលើ​ការដឹកនាំ​ ​និង​ហ្វឹកហាត់​ពីសំណាក់​លោក​ ​Félix​ ​Dalmas​ ​គ្រូបង្វឹក​ជម្រើសជាតិ​កម្ពុជា​។​
​
​គួរ​បញ្ជាក់​ផង​ដែរ​ថា​ ​ក្រុមបាល់ទាត់​ជម្រើសជាតិ​កម្ពុជា​ ​ភាគច្រើន​បាន​ធ្វើការ​ហ្វឹកហាត់​នៅ​កម្ពុជា​ ​តែ​ក្រោម​ការដឹកនាំ​របស់​លោក​ ​Félix​ ​Dalmas​ ​ម្នាក់​ប៉ុណ្ណោះ​ ​ខណៈ​ដែល​លោក​ ​Keisuke​ ​Honda​ ​គ្រាន់តែ​បង្ហាញខ្លួន​ក្នុង​ការប្រកួត​ជា​ផ្លូវការ​មួយចំនួន​របស់​ក្រុម​កម្ពុជា​តែប៉ុណ្ណោះ​ ​ក៏ប៉ុន្តែ​កីឡាករ​ភាគច្រើន​ហាក់​មាន​កម្លាំងចិត្ត​ខ្លាំង​ក្រោម​ការដឹកនាំ​ផ្ទាល់​ពី​លោក​ ​Keisuke​ ​Honda​៕​ ​
​

​