កាលពីពេលកន្លងទៅនេះ អតីតខ្សែប្រយុទ្ធលេខ1 លំដាប់ពិភពលោក Ronaldo Luís Nazário de Lima បានបង្ហាញខ្លួននៅលើកប៉ាល់លម្ហែកាយផ្ទាល់ខ្លួនមួយនៅក្នុងប្រទេសប្រេស៊ីល ក្នុងដំណើរកម្សាន្តវិស្សមកាលរដូវក្តៅរបស់ខ្លួន។
នៅពេលនោះ គេបានឃើញអតីតកីឡាករជម្រើសជាតិប្រេស៊ីលរូបនេះលែងខ្លួនល្វែងលើទទេស្អាត ដោយបានបង្ហាញក្បាលពោះដ៏ធំសំបើមរបស់ខ្លួនក្នុងដំណើរកម្សាន្តនោះ។ រូបរាងកាយបែបនេះបានបង្ហាញឱ្យដឹងថា រូបគេមិនបានថែរក្សាសុខភាព និងរាងកាយឱ្យបានល្អឡើយ បន្ទាប់ពីបញ្ចប់អាជីពបាល់ទាត់កាលពីឆ្នាំ2011 មក។
គួររំឭកផងដែរថា កីឡាកររូបនេះបាននាំភាពត្រចះត្រចង់ឱ្យវិស័យបាល់ទាត់ប្រេស៊ីល ដោយបានជួយឱ្យប្រេស៊ីលលើកពាន World Cup ដល់ទៅ 2លើកក្នុងការបង្ហាញខ្លួន 3លើកនៅឆ្នាំ1994 និង2002 ហើយក៏ធ្លាប់ជួយក្រុមជម្រើសជាតិរបស់គេឱ្យបានជើងឯករង World Cup 1998 ផងដែរ៕
