តើនរណាខ្លះជាប់ជាកីឡាករល្អបំផុត 11នាក់របស់ FIFA ប្រចាំឆ្នាំ2019?

កាលពីថ្ងៃទី23 ខែកញ្ញា ឆ្នាំ2019 កន្លងទៅនេះ នៅទីក្រុងមីឡាន ប្រទេសអ៊ីតាលី សហព័ន្ធកីឡាបាល់ទាត់ពិភពលោក FIFA បានប្រកាសពីម្ចាស់ជយលាភីពានរង្វាន់ FIFA Best 11 Player 2019 ដោយបានទៅលើកីឡាករ 11នាក់ដែលល្អបំផុតជម្រើសពិភពលោក ដែលមានសមាសភាពភាគច្រើនជាកីឡាកររបស់ប្រទេសហូឡង់ ដែលរួមមាន៖
-អ្នកចាំទី Alisson Becker សញ្ជាតិប្រេស៊ីល (Liverpool)
-ខ្សែការពារ Virgil van Dijk សញ្ជាតិហូឡង់ (Liverpool), Matthijs de Ligt សញ្ជាតិហូឡង់ (Ajax/Juventus), Marcelo សញ្ជាតិប្រេស៊ីល (Real Madrid), Sergio Ramos សញ្ជាតិអេស្ប៉ាញ (Real Madrid)
-ខ្សែបម្រើ Eden Hazard សញ្ជាតិបែលហ្ស៊ិក (Chelsea/Real Madrid), Frenkie de Jong សញ្ជាតិហូឡង់ (Ajax/Barcelona), Luka Modric សញ្ជាតិក្រូអាត (Real Madrid)
-ខ្សែប្រយុទ្ធ Kylian Mbappe សញ្ជាតិបារាំង (Paris Saint-Germain), Lionel Messi សញ្ជាតិអាហ្សង់ទីន (Barcelona), Cristiano Ronaldo សញ្ជាតិព័រទុយហ្គាល់ (Juventus)
សូមបញ្ជាក់ដែរថា ក្នុងឆ្នាំ2019 នេះ ជើងឯកពានកីឡាករឆ្នើមបុរស FIFA ឬ The Best FIFA Men’s Player បានទៅលើខ្សែប្រយុទ្ធអាហ្សង់ទីន Lionel Messi ខណៈកីឡាករឆ្នើមនារី ឬ The Best FIFA Women’s Player បានទៅលើខ្សែប្រយុទ្ធសហរដ្ឋអាមេរិក Megan Rapinoe៕