កាលពីថ្ងៃទី29 ខែមិថុនា ឆ្នាំ2017 តារាចម្រៀង T.O.P សមាជិកក្រុមចម្រៀង Big Bang បានចូលបន្ទប់សវនាការដើម្បីស្ដាប់អង្គជំនុំជម្រះក្ដី ដោយតុលាការកូរ៉េខាងត្បូងបានសម្រេចដាក់ទោសតារាចម្រៀងរូបនេះ ឱ្យជាប់ពន្ធនាគាររយៈពេល10ខែ និងផ្អាកការងារសិល្បៈចំនួន 2ឆ្នាំ ចំពោះករណីដែលរូបគេបានប្រើប្រាស់គ្រឿងញៀនប្រភេទកញ្ឆា ខណៈដែលបានទទួលសារភាពចំពោះមុខច្បាប់។
តារាចម្រៀង T.O.P បានពោលថា “ជារយៈពេលដែលខ្ញុំបានរងគ្រោះ និងបាក់ទឹកចិត្តយ៉ាងខ្លាំង ដោយបានប្រឡាក់ប្រឡូសជាមួយរឿងទាំងនោះ គឺជាពេលវេលាដែលអាក្រក់បំផុតសម្រាប់ជីវិតរបស់ខ្ញុំនៅគ្រានោះ ហើយខ្ញុំសោកស្ដាយ និងមានវិប្បដិសារីខ្លាំងណាស់ ព្រមទាំងមានអារម្មណ៍ថាខ្មាស់ខ្លួនឯង ដែលព្រមទទួលយកកំហុសនៅក្នុងរឿងបានជ្រុលធ្វើកន្លងមក “។
គួរបញ្ជាក់ផងដែរថា នេះជាការកាត់ទោសសម្រេចលើកចុងក្រោយ បន្ទាប់ពីរូបគេបានសារភាពថា បានប្រើប្រាស់គ្រឿងញៀនប្រភេទកញ្ឆា និងបានរួមគំនិតប្រព្រឹត្តជាមួយអតីតគូស្នេហ៍មានឈ្មោះថា Han SeoHee៕
