នៅថ្ងៃទី ២៨ ខែសីហា ឆ្នាំ ២០១៩នេះ គេបានឃើញបទចម្រៀងថ្មីបែបឃ្យូដៗត្រូវចិត្តយុវវ័យច្រៀងដោយតារាចម្រៀងស្រី ឈិត សុវណ្ណបញ្ញា ដែលមានចំណងជើងថា « CRUSH » នៅលើឆាណែលយូធូបរបស់ក្រុមចម្រៀង Dit Way ដែលមានលោក G-Devih ជាអ្នកគ្រប់គ្រងការផលិត។
តារាចម្រៀងស្រីនៅផលិតកម្មថោនរូបនេះ មិនបានធ្វើការបញ្ជាក់លម្អិតពីការចេញបទចម្រៀងខាងក្រៅពីផលិតកម្មនោះទេ ក៏ប៉ុន្ដែបើងាកមកមើលការគាំទ្រវិញ គឺហាក់បីដូចជាមានសន្ទុះខ្លាំងជាងបទចម្រៀងនៅក្នុងផលិតកម្ម ពោលគឺ បទប្លែកអាចនឹងស៊ីជាមួយសំឡេងរបស់នាងក៏ថាបាន។ យ៉ាងណាមិញ ក្រោយពីបញ្ចេញបទចម្រៀងនៅលើបណ្ដាញសង្គមរួចហើយ បញ្ញា បានផ្ដាំផ្ញើទៅហ្វេនៗថា «ពេលវេលាដែលអ្នកទាំងអស់គ្នាកំពុងរង់ចាំបានមកដល់ហើយ» ក្នុងការទទូចឱ្យហ្វេនជួយគាំទ្របទថ្មីមួយនេះ។ នេះត្រឹមតែរយៈពេលមួយថ្ងៃតែប៉ុនណោះ បទថ្មីមួយនេះកើនអ្នកចូលទស្សនាដល់ទៅរាប់ពាន់អ្នកទៅហើយ។
សូមជម្រាបថា តារាចម្រៀងស្រីសំឡេងស្រទន់ កញ្ញា ឈិត សុវណ្ណបញ្ញា មួយរយៈចុងក្រោយនេះ ត្រូវបានទស្សនិកជនសម្គាល់ឃើញថា នាងហាក់បាត់មុខសូន្យឈឹងពីសិល្បៈ ជាពិសេសនោះ គឺមិនឃើញនាងចេញនូវបទចម្រៀងថ្មីសោះ ក្រោយពេលដែលនាងបានផ្លាស់ប្ដូរផលិតកម្ម។ យ៉ាងណាមិញ គេមិនទាន់ដឹងនៅឡើយទេថា តារាស្រីមានប្រជាប្រិយភាព ឈិត សុវណ្ណបញ្ញា នឹងផ្លាស់ប្ដូរទ្រនំ មកធ្វើជាតារាចម្រៀងក្នុងផលិតកម្ម Dit Way Nation របស់លោក ជី ដេវីត ឬក៏យ៉ាងណា ខណៈដែលមួយរយៈចុងក្រោយនេះ នាងក៏មិនមានចេញបទចម្រៀងថ្មីនៅឡើយទេ ក្នុងទ្រនំចាស់របស់ខ្លួន គឺផលិតកម្មថោន៕
ចង់ដឹងថា បទថ្មី ឈិត សុវណ្ណបញ្ញា ពីរោះដល់កម្រិតណានោះ សូមទស្សនាវីដេអូខាងក្រោមនេះ ៖
