អង្គការរដ្ឋមន្ត្រីអប់រំនៅអាស៊ីអាគ្នេយ៍ ជ្រើសរើសមន្ត្រីគម្រោងជាន់ខ្ពស់

អង្គការរដ្ឋមន្ត្រីអប់រំនៅអាស៊ីអាគ្នេយ៍ (SEAMEO) បានប្រកាសជ្រើសរើសមន្ត្រីគម្រោងជាន់ខ្ពស់ (The Post Program Officer II) ដើម្បីបម្រើការនៅអគ្គលេខាធិការដ្ឋានរបស់ SEAMEO នៅទីក្រុងបាងកកប្រទេសថៃ។

កម្មវីធីនេះ ត្រូវបានប្រកាសនៅកម្ពុជាដោយក្រសួងអប់រំ យុវន និងកីឡា ដោយក្នុងនោះបានបញ្ចាក់យ៉ាងច្បាស់ពីលក្ខខណ្ឌនៃការដាក់ពាក្យដែលត្រូវមានជីវប្រវត្តិច្បាស់លាស់ មានបទពិសោធក្នុងការគ្រប់គ្រងវាយតម្លៃ និងមានការប្តេជ្ញាចិត្តខ្ពស់ក្នុងការអភិវឌ្ឍកម្មវិធីនៃសកម្មភាពរបស់ SEAMEO។ នៅក្នុងសេចក្តីប្រកាសដែលបង្ហាញដោយ SEAMEO បញ្ជាក់ថាអ្នកដែលជាប់ជាមន្ត្រីផ្នែកនេះ នឹងទទួលបានប្រាក់ឧបត្ថម្ភមូលដ្ឋាន 25,321ដុល្លារ/ឆ្នាំ ឆ្នាំទី2 នឹងបាន 26,810ដុល្លារ/ឆ្នាំ និងឆ្នាំទី3 នឹងទទួលបានប្រាក់ឧបត្ថម្ភ 28,299ដុល្លារក្នុងមួយឆ្នាំ។

បេក្ខជនដែលចាប់អារម្មណ៍ដាក់ពាក្យសម្រាប់មុខតំណែងនេះ ត្រូវដាក់ពាក្យឱ្យបានមុនថ្ងៃទី3 ខែកក្កដា ឆ្នាំ2017 នៅនាយកដ្ឋានព័ត៌មាន និងកិច្ចការអាស៊ាននៃក្រសួងអប់រំ យុវជន និងកីឡា៕