នៅថ្ងៃឈប់សម្រាកចុងសប្ដាហ៍ដែលជាឱកាសល្អបែបនេះ តារាចម្រៀងស្រីកំពូលស្លៀកពាក់ប្លែកៗ Lady Gaga បានទៅធ្វើដំណើរកម្សាន្ដនៅតំបន់ព្រៃជាមួយមិត្តប្រុសរបស់នាងគឺលោក Christian Carino ជាការលម្ហែអារម្មណ៍ ព្រមទាំងបង្កើនសេចក្ដីសុខជាមួយមិត្តប្រុសតាមបែបធម្មជាតិរ៉ូមែនទិកទៀតផង។
តារាស្រីវ័យ 31 ឆ្នាំរូបនេះបានបណ្ដើរមិត្តប្រុសដោយឱបស្មាគ្នាទៅវិញទៅមកយ៉ាងរ៉ូមែនទិកនៅក្នុងព្រៃ ថែមទាំងនិយាយប្រាប់អ្នកសារព័ត៌មានបរទេសថា “អូ ! ព្រះជាម្ចាស់ ការដើរកម្សាន្ដព្រៃបែបនេះ ធ្វើឱ្យខ្ញុំមានអារម្មណ៍ដូចហោះហើរលើធម្មជាតិ មានសេចក្ដីសុខខ្លាំងណាស់ វាជាការប្រសើរខ្លាំងជាងការដែលអង្គុយនៅធ្មឹងៗមួយកន្លែង ហើយល្អជាងការគេងមើលរឿងភាគទូរទស្សន៍នៅផ្ទះទៅទៀត វាពិតជាវិសេសវិសាលមែនទែន”។
គួរបញ្ជាក់ផងដែរថា បន្ទាប់ត្រឡប់មកពីកម្សាន្ដនៅក្នុងព្រៃហើយ Lady Gaga បានបង្ហោះនៅលើបណ្ដាញសង្គមអ៊ីនស្ដាក្រាមរបស់នាងថា នាងថែមទាំងបានទៅចូលរួមកម្មវិធីសម្ពោធខ្សែភាពយន្ដជាបន្ដទៀត គឺរឿង A Star is Born ព្រមទាំងត្រៀមបាច់ផ្កាយ៉ាងពិសេសសម្រាប់អ្នកដឹកនាំរឿងនេះ និងក្រុមការងារទៀតផង។ នាងបានបញ្ជាក់ទៀតថា នេះជាក្ដីសុបិនសម្រាប់ក្រុមការងារ៕
