សមាជិកក្រុមចម្រៀងប្រុស Super Junior គឺ Lee Teuk បានជួបប្រទះហេតុការណ៍អាក្រក់មួយដោយសារចោរបានវាយបំបែកកញ្ចក់រថយន្ដ ព្រមទាំងលួចសម្ភារអស់មួយចំនួន រួមទាំងលិខិតឆ្លងដែនទៀតផង នៅពេលដែលលោកបានធ្វើដំណើរកម្សាន្ដទៅប្រទេសស្វ៊ីស កាលពីថ្ងៃទី25 ខែមិថុនា ថ្មីៗនេះ។
តាមការបញ្ជាក់របស់តារាចម្រៀង Lee Teuk បានឲ្យដឹងថា “នៅក្នុងហេតុការណ៍នោះ គឺចោរបានវាយបំបែកកញ្ចក់រថយន្តរបស់យើង ហើយបានប្រមូលយកទ្រព្យសម្បត្តិទាំងអស់ដែលមាននៅក្នុងនោះ ដែលរួមទាំងលិខិតឆ្លងដែនរបស់ខ្ញុំ និងក្រុមការងារយើងទៀតផង“។
តែក្រោយពីកើតហេតុការណ៍ជ្រួលច្របល់នឹងករណីប្លន់ដ៏អាក្រក់មួយនេះរួច តារាចម្រៀង Lee Teuk និងក្រុមការងារបានវិលត្រឡប់ទៅប្រទេសកូរ៉េខាងត្បូងវិញហើយ ដោយបានទទួលលិខិតឆ្លងដែនបណ្ដោះអាសន្នពីស្ថានទូតប្រទេសរបស់ពួកគេ ព្រមទាំងមានការធានាសុវត្ថិភាពក្នុងការហោះហើរទៀតផង៕
