ពិតជាមានមោទនភាពខ្លាំងណាស់ ដែលយុវជនខ្មែរយើងគឺ លោក អុិត សុធា (Mr. ITH Sothea) បានទទួលការអញ្ជើញពីសំណាក់ម្ចាស់កម្មវិធី PGIN Asia ដែលជាក្រុមហ៊ុនរៀបចំកម្មវិធីលំដាប់ពិភពលោក Mister United World បន្ទាប់ពីខាងក្រុមហ៊ុនមួយនេះបានធ្វើការតាមដានសកម្មភាព សិក្សាពីប្រវត្តិរូប អត្តចរិក និងតាមបណ្តាញសង្គមរបស់លោកអស់រយៈពេល6ខែ ក្រុមហ៊ុនក៏បានទាក់ទងមករូបលោកដោយផ្ទាល់ ដើម្បីអញ្ជើញរូបលោកឱ្យទៅចូលរួមប្រកួតនៅក្នុងកម្មវិធី Mister United World ឆ្នាំ2019 តំណាងឱ្យប្រទេសកម្ពុជា។ នេះគឺជាលើកទីមួយហើយ ដែលបេក្ខជនតំណាងឱ្យប្រទេសកម្ពុជាយើងត្រូវបានទទួលកិត្តិយសយ៉ាងខ្ពង់ខ្ពស់ទៅចូលរួមនៅក្នុងកម្មវិធីដ៏ធំលំដាប់ពិភពលោកនៅលើឆាកអន្តរជាតិបែបនេះ។
បន្ទាប់ពីការប្រកួតប្រព្រឹត្តទៅនៅឯប្រទេសថៃអស់រយៈពេល1សប្តាហ៍ពេញ ដែលតម្រូវឱ្យបេក្ខជនមកពីបណ្តាប្រទេសនៅជុំវិញពិភពលោកឡើងសម្តែងពីទេសកោសល្យរបស់ខ្លួន បង្ហាញពីរូបសម្រស់ និងសាច់ដុំធំៗ ដែលបញ្ជាក់ពីភាពហ្វឹកហាត់សាច់ដុំបានល្អ ភាពរឹងមាំនៃសុខភាព និងតំហែទាំរូបរាងកាយបានល្អ ព្រមជាមួយនឹងសមត្ថភាពពិសេសខាងភាសា និងការសម្តែងជំនាញពិសេសរបស់ខ្លួនជាដើម ហើយក្រោយពីការប្រកួតយ៉ាងស្វិតស្វាញនៅក្នុងកម្មវិធី Mister United World ប្រចាំឆ្នាំ2019 លោក អុិត សុធា ទទួលបានលទ្ធផលគួរជាទីមោទនៈក្រៃលែង ដោយលោកទទួលបានចំណាត់ថ្នាក់លេខ4 (4th Runner-up) ព្រមទាំងទទួលបានពានរង្វាន់ជាច្រើនទៀត ហើយលោកក៏ត្រូវបានក្រុមហ៊ុន Peagent Asia ជ្រើសតាំងជាឯកអគ្គរាជទូត ជាប្រធាន និងជាគ្រូបង្វឹកផ្ទាល់នៅក្នុងកម្មវិធី MisterUnited World Cambodia ប្រចាំប្រទេសកម្ពុជា ដែលកម្មវិធីនេះនឹងចាប់ផ្តើមដំណើរការនាពេលឆាប់ៗខាងមុខនេះ មុននឹងឡើងទៅប្រកួត Mister United World លំដាប់ថ្នាក់ពិភពលោក ដែលប្រព្រឹត្តិទៅជារៀងរាល់ឆ្នាំ នៅតាមបណ្តាប្រទេសជាដៃគូនៅជុំវិញពិភពលោក។
នៅក្នុងឆ្នាំ2019 ដដែលនេះ លោក អុិត សុធា ក៏បានទៅចូលរួមប្រកួតនៅក្នុងកម្មវិធីលំដាប់អន្តរជាតិមួយទៀត គឺកម្មវិធី NABBA WFF ឆ្នាំ2019(NABBA World Fitness Model Federation 2019) ដែលប្រព្រឹត្តទៅនៅប្រទេសម៉ាឡេស៊ី រយៈពេល3ថ្ងៃ ហើយលោកទទួលបានចំណាត់ថ្នាក់លេខ5 នៅក្នុងចំណោមបេក្ខជនពីបណ្តាប្រទេសនៅទូទាំងពិភពលោកប្រមាណជាង270នាក់។ សរុបមកនាពេលបច្ចុប្បន្ននេះ លោកអុិត សុធា ទទួលបានពានរង្វាន់សរុបចំនួន10ពាន ដែលមិនមានអ្នកណាម្នាក់ទទួលបានពានរង្វាន់ច្រើនដូចជារូបលោកនោះឡើយនៅក្នុងកម្មវិធីប្រកួតប្រចាំឆ្នាំ2019នេះ ទោះជាបេក្ខជនដែលជាប់ចំណាត់ថ្នាក់លេខ1ប្រចាំឆ្នាំ2019នេះក៏ដោយ។
ក្រោមបទពិសោធន៍ជាង11ឆ្នាំលើវិស័យកាយសម្បទាសាច់ដុំនេះ លោក អុិត សុធា នឹងបើកជាក្លឹបហាត់ប្រាណលំដាប់អន្តរជាតិមួយនៅក្នុងប្រទេសកម្ពុជានាពេលខាងមុខនេះ ដោយក្លឹបហាត់ប្រាណរបស់លោកនឹងបំពាក់ដោយគ្រឿងឧបករណ៍ហាត់ប្រាណគ្រប់សព្វបែបយ៉ាង ដែលសុទ្ធសឹងតែជាឧបករណ៍មានគុណភាពខ្ពស់ ត្រូវតាមស្តង់ដារ ដើម្បីបណ្តុះបណ្តាលកូនខ្មែរគ្រប់រូបឱ្យចេះស្រឡាញ់សុខភាពខ្លួនឯង ចេះគ្រប់គ្រងទម្ងន់ និងចេះគ្រប់គ្រងរបបអាហាររបស់ខ្លួនឱ្យបានត្រឹមត្រូវតាំងពីវ័យ12ឆ្នាំឡើងទៅ ដើម្បីមានឱកាសបានចូលរួមប្រកួតបើកមុខមាត់ជូនមាតុប្រទេសនៅលើឆាកអន្តរជាតិជារៀងរាល់ឆ្នាំ ដោយលោកនឹង ផ្តល់ឯកសិទ្ធិយ៉ាងពិសេសជូនយុវវ័យកម្ពុជា ដែលមានអាយុចាប់ពី12ឆ្នាំដល់18ឆ្នាំ ដើម្បីចូលរួមហ្វឹកហាត់ និងមកហាត់ប្រាណដើម្បីសុខភាពនៅក្នុងក្លឹបរបស់លោក ដោយឥតគិតថ្លៃ ព្រមជាមួយនឹងការផ្តល់ជូននូវគ្រូបង្វឹកដែលមានបទពិសោធន៍ត្រឹមត្រូវ ដើម្បីបង្វឹកពួកគេដោយផ្ទាល់ផងដែរ។ ហើយចំពោះបេក្ខជន ដែលមានបំណងចង់ដាក់ពាក្យចូលរួមប្រកួតនៅក្នុងកម្មវិធី Mister United World Cambodia គឺត្រូវមានកាយសម្បទារឹងមាំ មានកម្ពស់ចាប់ពី1.70ម៉ែត្រ ដល់1.82ម៉ែត្រ និងមានអាយុចាប់ពី19ឆ្នាំដល់32ឆ្នាំ ដោយលោកអ្នកអាចទំនាក់ទំនង និងសាកសួរព័ត៌មានលម្អិតតាមរយៈគេហទំព័រ MNST ទាំងតាមរយៈបណ្តាញសង្គមហ្វេសបុក និងតាមរយៈគេហទំព័ររបស់ក្រុមហ៊ុន MNST ដែលជាក្រុម-ហ៊ុនរបស់លោក អុិត សុធា ដោយផ្ទាល់ ហើយរាល់ព័ត៌មានផ្សេងៗនឹងមានបង្ហាញជូននៅក្នុងគេហទំព័រ MNST នេះជាបន្តបន្ទាប់។
បើងាកមកមើលពីការងារនៅក្នុងវិស័យសិល្បៈវិញ នាពេលខាងមុខនេះ លោក អុិតសុធា នឹងត្រូវចេញទៅថតឱ្យទស្សនាវដ្តីសុខភាពរបស់ប្រទេសសាំងហ្គាពួរ ព្រមទាំងត្រូវទៅចូលរួមថតកុនខ្នាតអន្តរជាតិមួយរឿងនៅឯប្រទេសថៃ ដែលមានការចូលរួមសម្តែងពីបណ្តាតារាល្បីៗដែលមកពីបណ្តាប្រទេសនានាជាច្រើនរូបទៀត។
គួរបញ្ជាក់ផងដែរថា ក្រៅពីក្លឹបហាត់ប្រាណ លោក អុិត សុធា ក៏ជាអ្នកជំនួញដ៏ឆ្នើមនៅក្នុងវិស័យអចលនទ្រព្យផងដែរ ដោយលោកមានលក់គម្រោងបុរីផ្សេងៗដូចជា បុរី រុក្ខគីរី ដែលស្ថិតនៅស្រុករុក្ខគីរី ខេត្តបាត់ដំបង។ ហើយ លោក អុិត សុធា ក៏មានក្រុមហ៊ុននាំចូលផលិតផលថែរក្សាសុខភាព និងសម្រស់ពីប្រទេសអាឡឺម៉ង់ផងដែរ គឺក្រុមហ៊ុន MNST ដើម្បីឆ្លើយតបទៅនឹងតម្រូវការរបស់ប្រជាជនកម្ពុជានាពេលបច្ចុប្បន្ននេះ។
សម្រាប់ព័ត៌មានបន្ថែម សូមទំនាក់ទំនងមកកាន់បណ្តាញសង្គមហ្វេសបុក MNST ឬលេខ ទូរស័ព្ទ 096 400 8596៕
សូមចៀសឆ្ងាយពីគ្រឿងញៀន ហើយងាកមកចាប់អារម្មណ៍លើការថែរក្សាសុខភពរាងកាយដោយការហាត់ប្រាណ ដើម្បីសុខភាពរឹងមាំទាំងអស់គ្នា!
