អង្គរថាយហ្គើរ ត្រៀមជួលកីឡដ្ឋានថ្មីមួយ មកធ្វើជាទឹកដីរបស់ខ្លួន នៅរដូវកាលក្រោយ

កាលពីពេលថ្មីៗនេះ ក្លិបបាល់ទាត់ “គិរីដងរែក” ដែលជាក្លិបពាក់កណ្តាលអាជីពនៅខេត្តសៀមរាបបានប្រកាសថា ខ្លួនជិតបញ្ចប់ការសាងសង់កីឡដ្ឋានដ៏ស្រស់ស្អាតថ្មីមួយរបស់ក្លិបហើយ។

បើតាមការគ្រោងទុកកីឡដ្ឋាននេះ និងបញ្ចប់ការសាងសង់រួចរាល់នៅដើមឆ្នាំ2020 ហើយកីឡដ្ឋាននេះអាចនឹងផ្ទុកអ្នកទស្សនាបានខ្ទង់ 5ពាន់នាក់ ដែលបានចំណាយលុយក្នុងការសាងសង់អស់ប្រមាណជា 50ម៉ឺនដុល្លារ។ដោយសារតែក្លិបមួយនេះមិនទាន់មានគម្រោងចូលរួមក្នុងលីកកំពូលកម្ពុជានៅឡើយនោះ ទើបក្លិបមានគម្រោងនឹងដាក់កីឡដ្ឋានមួយនេះនៅក្នុងការចរចាជួលឱ្យអង្គរថាយហ្គើរ ដែលជាក្លិបបាល់ទាត់ដែលលេងនៅក្នុងលីកកំពូលរបស់កម្ពុជា និងមានមូលដ្ឋាននៅខេត្តសៀមរាបនេះស្រាប់ដើម្បីយកមកធ្វើជាទឹកដីរបស់ពួកគេ៕