នៅព្រឹកថ្ងៃទី ០៥ ខែសីហា ឆ្នាំ ២០១៩ ឡារ៉ែនទទួលដំណឹងបានថា លោកបង តាក់ស៊ី បានលាចាកសិក្ខាបទ (សឹក) ជាផ្លូវការហើយ ដោយសារតែពីមួយថ្ងៃទៅមួយ អាការជំងឺរបស់លោកមិនជាបានធូរស្បើយសោះ រហូតដល់លោកមិនអាចបន្ដបម្រើព្រះពុទ្ធសាសនាបានតទៅទៀត។ យ៉ាងណាមិញ គេក៏មើលឃើញថា នៅលើបណ្ដាញសង្គមហ្វេសប៊ុកមានមហាជនជាច្រើនសម្តែងក្ដីអាណិត និងព្រួយបារម្ភជាខ្លាំង។
បើតាមការបញ្ជាក់ពីគណនីហ្វេសប៊ុកមួយ បានឱ្យដឹងទៀតថា លោកបង តាក់ស៊ី ត្រូវបានបញ្ជូលទៅមន្ទីរពេទ្យភ្លាម ក្រោយពេលលាចាកសិក្ខាបទ។ គណនីឈ្មោះ “ព្រះមហា ហ៊ី ភារម្យ” បានធ្វើធ្វើការ Live វីដេអូរបស់ លោកបង តាក់ស៊ី កំពុងត្រូវបានគេបញ្ចូនទៅមន្ទីរពេទ្យភ្លាមៗ ដោយសារជាតិស្ករលើសខ្លាំងពេក។
ប្រភពដដែរ ក៏បានភ្ជាប់សារខ្លីមួយផងដែរ ជាព័ត៌មានសម្រាប់មហាជនទូទៅ ដោយបញ្ជាក់ថា “សូមជូននូវព័ត៌ពេលនេះកំពុងជូនបង តាក់ ស៊ី ទៅព្យាបាលនូវមន្ទីរពេទ្យលោកសង្ឃ”។ ក្រោយពីឃើញបែបនេះ ធ្វើឱ្យមហាជនជាច្រើន សម្តែងអារម្មណ៍អាណិតខ្លោចចិត្ត និងជូនពរឱ្យលោកបង តាក់ស៊ី ឆាប់ជាផងដែរ៕
