ថ្មីៗនេះគណនីយូធូបដែលល្បីល្បាញខាងធ្វើតេស្តគុណភាពផ្នែកខាងក្នុងទូរស័ព្ទគឺ JerryEverything បានយកស្មាតហ្វូនថ្មីមួយរបស់ក្រុមហ៊ុន Oppo មកគាស់គ្រឿងក្នុងបង្ហាញអ្នកទស្សនាយ៉ាងស្ដែងៗតែម្ដង។
ក្រោយពេលគាស់គ្រឿងក្នុងហើយ គេសង្កេតឃើញថា Oppo Reno ដែលមានកាមេរ៉ាបែប Pop-up បញ្ឈិតនោះ ពិតជាមានកម្រិតភាពធន់ខ្លាំងមែន សឹងតែថា យកកាំបិតកោសក៏អត់ឆ្កូតដែរ។
ទូរស័ព្ទស៊េរីថ្មី OPPO Reno 10X Zoom (Digital 60X Zoom) មានសមត្ថភាពពិសេសដោយ OPPO Reno 10X អាច Zoom បានកម្រិតដល់ទៅ 60ដង កាន់តែឆ្ងាយ កាន់តែច្បាស់លើសពីការរំពឹងទុក។
សមត្ថភាពកាមេរ៉ាស័ក្តិសមជាមួយនឹងអ្នកជំនាញថតរូបតែម្តងសម្រាប់ពាក់កណ្តាលឆ្នាំ2019 នេះ ដោយមានថាមពលថ្មធំ 4065mAh និង ROM 256GB និង RAM 8GB វាមានកាមេរ៉ាក្រោយដល់ទៅ 3គ្រាប់ រួមមានកាមេរ៉ាមេទំហំ 48MP ឬ (Main Camera) + កាមេរ៉ាទំហំ 8MP ជាកាមេរ៉ាពង្រីកមុំថត ឬ (Wide Angle Camera) + កាមេរ៉ាទំហំ 13MP ជាកាមេរ៉ា Zoom ប្រវែងវែង ឬ (Telephoto Camera)។ សម្រាប់តម្លៃលក់នៅស្រុកខ្មែរ គឺប្រមាណជា 899ដុល្លារ។
ចង់ដឹងច្បាស់សូមទស្សនាវីដេអូខាងក្រោម៖
