តារាចម្រៀងឯរាជ្យលោក ឃីង សាន់ ត្រូវមិត្តក្នុងសិល្បករមួយចំនួនចាត់ទុកថា មានជីវិតតស៊ូខ្លាំងណាស់នៅលើអាជីពសិល្បៈដោយតារារូបនេះធ្លាប់ហែលឆ្លងជីវិតជាកម្មកររោងចក្រ។
ដោយសារតែជីវិតជាការតស៊ូជំនះក្នុងឧបសគ្គបែបនេះហើយតារាចម្រៀងវ័យក្មេងរូបនេះ មិនដែលរុញរាដើរថយក្រោយនោះទេ ទោះលំបាក ក៏ដោយ ក៏លោកនៅប្រឹងជំនះទៅមុខ ហេតុតែស្រឡាញ់សិល្បៈ។ បើគិតពីការព្យាយាមក្នុងការងារ លោក សាន់ ប្រាប់សារព័ត៌មានឡារ៉ែនថា រាល់ថ្ងៃឆ្លៀតពេលធ្វើការនៅក្នុងវិទ្យុមួយហើយយបឡើងច្រៀងនៅហាងផឹកស៊ីជាមួយតារាមួយចំនួនដើម្បីបានប្រាក់ដោះស្រាយជីវភាពរស់នៅ ( បង់ថ្លៃផ្ទះជួល)។
មើលឃើញពីចិត្តអំនត់នេះហើយទើបធ្វើឱ្យអ្នកដឹកនាំកម្មវិធីទូរទស្សន៍ លោក គួច ខេវិន បានអនុញ្ញាតឱ្យឡើងឆាកច្រៀងសម្តែងដើម្បីបាពង្រីកកេរ្តី៍ឈ្មោះតទៅទៀតតាមរយៈតន្ត្រីផ្សាយបន្តផ្ទាល់របស់ភិអិនអិន។ ការឡើងកាលីបចូលដល់ឆាកធំនេះធ្វើឱ្យលោក ឃីង សាន់ រំភើបរីករាយដែលបំណងចេះតែបានដើរទៅមុខក្នុងសិល្បៈ។
