គេពិតជាភ្ញាក់ផ្អើលខ្លាំងមែនទែន ខណៈតារាសម្ដែងជើងចាស់ ចែ រ៉ូហ្សា ឬមានឈ្មោះពិត គន់ រៀមរតនៈ ចាប់ដៃគូគ្នាជាលើកដំបូងជាមួយ កញ្ញា ឌី លីកា អតីត Miss Grand Cambodia ក្ដោបតំណែងធំមួយជាអ្នកតំណាងផលិតផលដូចគ្នា ដែលតំណែងមួយនេះក៏ជាលើកទី១របស់អ្នកទាំងពីរផងដែរ។ យ៉ាងណាមិញ គេមិនទាន់ដឹងថា តម្លៃខ្លួនក្នុងតួនាទី ជាអ្នកតំណាងផលិតផលនេះ តើតម្លៃ និង អត្ថប្រយោជន៍ដែលក្រុមហ៊ុនផ្ដល់អោយ ដូចគ្នា ឬ យ៉ាងណានោះទេ។
ផលិតផលដែលតារាទាំងពីរ ត្រូវបានជ្រើសជា Brand Ambassador នេះ គឺសាប៊ូដុះខ្លួន និងថែបំប៉នសក់ម៉ាក Huapusi ដែលត្រូវគេស្គាល់ថា ជាផលិតផលប្រេនរបស់ប្រទេសបារាំង។ គន់ រៀមរតនៈ បង្ហាញអារម្មណ៍រំភើបយ៉ាងខ្លាំង ដែលលោកត្រូវបានក្រុមហ៑ុនជ្រើសជាតំណាងផលិតផល ហើយថែមទាំងបានកុងត្រារហូតដល់ពេញមួយឆ្នាំ។ លោកថា ជាលើកទី១ ដែលមានផលិតផលប្រេនៗរបៀបនេះ ជ្រើសជាតំណាងផ្សព្វផ្សាយ ដោយលោកប្រកាសថា ធ្វើអោយក្រុមហ៊ុនជឿជាក់ហើយបន្តកុងត្រានៅឆ្នាំទី២នោះផង។ លោក កាន់តែសប្បាយចិត្ត នៅពេលដឹងថាក្រុមហ៊ុនជ្រើសអ្នកតំណាមួយរូបទៀត គឺកះញ្ញា ឌី លីកា ដែលជាអតីត Miss Grand Cambodia ឆ្នាំ២០១៨។ លោក និង កញ្ញា ឌី លីកា នឹងត្រូវទទួលភារៈថតបង្ហាញផលិតផល និងធ្វើសកម្មភាពច្រើនទៀតនៅក្នុងមួយឆ្នាំនេះ។
ទន្ទឹមនឹងការប្រកាសនៅរសៀលថ្ងៃទី 5 ខែកក្កដា ឆ្នាំ 2019 នោះ លោក គន់ រៀមរតនៈ និង ឌី លីកា ក៏នឹងចាប់ដៃគ្នាលើតួនាទីតែមួយទាំងខេត្ត និងក្រុង ដើម្បីជួយគ្នាធ្វើឱ្យការងារជាតំណាងផលិតផលមួយនេះ ទទួលបានការចាប់អារម្មណ៍។ ក្នុងនោះ លោក ក៏បដិសេធមិនប្រាប់តម្លៃខ្លួន សម្រាប់ការងារដំបូងនេះទេ៕
