នៅពេលមុននេះបន្ដិច អ្នកនាង ម៉េង កែវពេជ្ជតា បានបង្ហោះរូបភាពជាច្រើនសនឹ្លកដែលស្ដែងឱ្យឃើញថា អ្នកនាងនិងសប្បុរសជនមួយចំនួនបាននាំយកថវិកាប្រមាណ២លានរៀលជូនអតីតតារាចម្រៀង សែម សង្វាត ដែលកំពុងសម្រាកព្យាបាលនៅក្នុងមន្ទីរពេទ្យ។
អ្នកនាង ម៉េង កែវពេជ្ជតា រៀបរាប់ថា កាលពីថ្ងៃទី២៩មិថុនា ២០១៩ វេលាម៉ោង៣រសៀល នាងខ្ញុំ និងប្អូនៗហ្វ៊ែន បាននាំយកថវិកាចំនួន២លានរៀលរបស់ឯកឧត្តម លោកជំទាវដែលជាសប្បុរសជន រួមនឹងថវិកាផ្ទាល់ខ្លួនរបស់នាងខ្ញុំជាមួយកូនៗ និងរបស់ហ្វ៊ែន ទៅជូនលោក សែម សង្វាត ដែលកំពុងសម្រាកព្យាបាលខ្លួននៅមន្ទីពេទ្យលោកសង្ឃ ។ សូមគោរពជូនមគ្គផលដ៏ថ្លៃថ្លានេះដល់លោកម្ចាស់ថវិកា សូមបានប្រកបដោយសុខភាពល្អបរិបូរណ៍ មានក្តីសុខសុភមង្គល ទទួលបានតែភាពជោគជ័យ ឈ្នះមាជិតឆ្ងាយ និងកាន់តែខ្ពង់ខ្ពស់បន្តទៀត។
យ៉ាងណាមិញ អ្នកនាង ម៉េង កែវពេជ្ជតា បានបញ្ជាក់ថា នេះមិនមែនជាលើកទី១ទេ ក៏មិនមែនជាលើកទី២ដែរ ដែលលោកជាម្ចាស់ថវិកាធ្វើការបរិច្ចាក ប៉ុន្តែគឺជាច្រើនលើកហើយដែលលោកបានចូលរួមជួយដល់កិច្ចការសង្គមជាច្រើនផ្នែក ក្នុងនោះក៏មានផ្នែកសិល្បនេះដែរគឺលោកតែងជួយមិនដែលខានដោយមិនចង់បានមុខមាត់អ្វីទាំងអស់ព្រោះលោកសុំត្រឹមតែចង់ជួយមនុស្សកំពុងជួបលំបាកប៉ុណ្ណោះ ។ ឯនាងខ្ញុំក៏មិនចង់ផុសដែរ ( ទៅតាំងពីថ្ងៃទី ២៩ ខែ៦ ទើបមកផុសថ្ងៃទី ២ ខែ៧ ) ប៉ុន្តែដែលផុសនេះក៏ព្រោះមានអ្នកខ្លះថាយើងមិនដែលធ្វើបុណ្យ យើងមិនដែលជួយនរណា យើងមិនដែលចូលរួមការងារសង្គម ..គេចង់និយាយថា អ្វីដែលល្អៗយើងមិនដែលធ្វើ ចា៎ ! សូមអរគុណ៕
