តាមរយៈទំព័រហ្វេសប៊ុកផ្លូវការរបស់សហព័ន្ធហ្វ៊ុតសាលកម្ពុជា Cambodia Futsal បានប្រកាសអំពីពានរង្វាន់បាល់ទាត់ក្នុងរោង ដោយការប្រកួតនឹងធ្វើឡើងចាប់ពីថ្ងៃទី13កក្កដា រហូតដល់ថ្ងៃទី29កញ្ញា និងមានក្រុមចំនួន 20ក្រុមចូលរួមប្រកួត ដែលនឹងត្រូវបែងចែកជា5ពូល ក្នុង 1ពូលមាន 4ក្រុម។
សម្រាប់ក្រុមដែលឈ្នះការប្រកួតខាងលើនេះ នឹងត្រូវតំណាងឱ្យកម្ពុជាដើម្បីទៅចូលរួមប្រកួតពានរង្វាន់ AFF Futsal និង AFC វគ្គជម្រុះនៅខែតុលាខាងមុខនេះ។ នេះជាការប្រកួតលីកក្នុងរោងរបស់កម្ពុជា ដើម្បីស្វែងរកកីឡាករល្អៗ ត្រៀមលេងយកមេដាយក្នុងព្រឹត្តិការណ៍ស៊ីហ្គេម2023 ដែលកម្ពុជាធ្វើជាម្ចាស់ផ្ទះ។
គួរបញ្ជាក់ផងដែរថា ពានរង្វាន់បាល់ទាត់ក្នុងរោងថ្នាក់ជាតិឆ្នាំ2019 ចាប់ទទួលចុះឈ្មោះចាប់ពីថ្ងៃទី28 មិថុនា ឆ្នាំ2019 ដល់ថ្ងៃទី8 កក្កដា ឆ្នាំ2019 ហើយ សម្រាប់ព័ត៌មានបន្ថែម សូមទំនាក់ទំនងលេខ 012 80 53 88 / 016 70 80 95៕
